ADC te tan vbch. 492.03
Nimin Assembly budget session-a CM in budget a pharh a a tarlan danin, kum 2022-2023 atana Mizorama ADC pathumte pawisa hman tur atan cheng vaibelchhe 492.03 dah a ni. Hei hi kum kal mek 2021-2022 aiin 9.08% in a tam zawk a ni.
Pu C. Rongura’n Chamdur ‘P’ a tlawh
Pu C. Rongura Executive Member (i/c LAD) leh Vathuampui bialtu ni bawk chuan nimin khan a bial chhung khua Chamdur ‘P’ a tlawh a. Agriculture Deptt. Lawngtlaia an hotu Dr. Bena te nen Chamdur 'P' khuaa Leilet zawlte enin hmalak dan tur hrang hrangte an sawiho a; Pu C. Rongura EM chuan Mizoram pum huap pawha leilet hmun tha leh chhenfakawm, intodelh tham tling Leilet hmun tha a nih thu a sawi a ni.
Model Village atan Phura hawng
Siaha district Bawrhsap Pu Lalsangliana chuan nimin khan Rajya Sabha MP Pu K. Vanlalvena'n a thlan Phura khua chu Sansad Adarhs Gram Yojana (SAGY) Model Village atan a hawng.
Project base-in pawisa dah a ni
Finance Minister, Chief Minister ni bawk Pu Zoramthanga chuan house a budget a pharh hnu a thuthar lakhawmtute hmaah hmasawnna hna thawh turah department hrang hrang tan pawisa dah a nih rualin state dang te tih ang tho in project base a kal pui tur a ni tih a sawi.
Hri leng dona hmanrua hlan
World Health Organisation (WHO) leh European Union Humanitarian Aid chuan Covid-19 hri pui leng dona kawnga hmanraw pawimawh tak RT-PCR test kit 2,16,864 Mizoram tan an hlan a, nimin chawhnu khan Health Minister Dr R. Lalthangliana’n Zoram mipuite aiawhin a pisa ah a dawng.
Post a Comment