Thaltlang, September 13, 2021 : Vawiin September 13, 2021 khan Thlatlang, Lawngtlai District ah naupang pahnih kum 13 mi leh kum 6 mi chu an khuaa tuidahna lian Tanky (Water reservoir) ah an tlahlum.



Naupang vanduai ta te hi Rohluzuali (13) D/o B. Lalropuia leh Ngurthatinchuaii (6) D/o Sailianthanga te an ni a, naupang ruang an hmuh hun hi tlai lam dar 2:30pm vel a ni. Ruang hi zanah tlaivar pui lovin vui nghal a ni ang. Chesual tate hi unau ni lovin, chhungkhat inhnai tak an ni.

 

Thaltlang YLA Secretary hnen atanga Rauthla thu dawn danin an chetsualna tanky (Reservoir) hi lian tak mai a ni a, siam zawh thar hlim a ni. RCC-a siam niin, a chung pawh hi RCC-a siam vek niin, a chhin feet 3 bial vel siam a ni a, a chhin hi steel  hmanga siam niin, a kalhna pawh siam a ni a, mahse hetih lai hian a chhin hi kalh a ni lo.


Thaltlang Tanky hi Thaltlang khaw lu, khaw chhak daihah awmin, he tanky hi siam zawh hlim a nih avangin tanky khatin tui dah chhin mek lai a ni a. tanky luhna chhin pawh á¹­ha taka khar a nih mek laiin naupang tuia tla hlumtate hian helai hmun hi tlawhin tuia tla hlum naupang zawk Ngunthatinchuaii hian a silipar a tih tlak palh avanga chhar tura a zu chhuk chu tuiah hian tlain Rohluzuali hian chhan tuma a va tanpuina lamah a ni pawh hi tuiah hian a tla ve leh ta niin Thaltlang naupang awm ve dang pahnih kum 7 leh kum 5 mi vel te chuan an sawi a ni.


Thaltlang naupang pahnih ten khawchhunga puitling awmte hrilh a chhan tuma Thaltlang tanky an thlen chuan hmeichhe naupang pahnihte hi an lo boral hman tawh a ni.


Thaltlang khua hi Sangau atanga 10km vel a hla, Phawngpui National Park bulthuta a awm a ni.




Post a Comment

Powered by Blogger.