Cheng vbch. 150 chuang tichingpenna-ah Mizo 5 tel

Aizawl 26.04.2024 (Friday): Vawiin chhun dar 12:30 khan Mizoram Police DGP Anil Shukla ,IPS chuan DGP Conference room ah chanchinbu mite kawmin tunhnaia Mahindra & Mahindra Financial Service Ltd. a cheng vaibelchhe 150 chuang tihchingpen chungchangah mi 11 thubuai siam sak a man an ni tih a sawi.

Vaibelchhe 150 chuang tihchingpen vanga man zingah hian hnamdang mi 6 bakah Mizo 5 an tel a, He case chhuina kal zelah hian car thar 15 chu hmun hrang hrang atangin man an ni tawh a, heng an car man tawh hlut zawng hi cheng vaibelchhe 3 man chuang a ni.

Mahindra & Mahindra Financial Service Ltd (MMFSL) Circle Head Ankit Bagree-a’n Aizawl Police Station FIR a thehluh bawhzuina kal zelah DGP Anil Shukla chuan hemi chhui chiang tur hian Special Investigation Team (SIT) SP Crime Bhisham Singh, IPS leh Addl. SP CID (Crime) Pu Laláš­hakima hoin Police officer 11 awmna a din a, heng mite hian ngawrh taka an chhui hnuah Mahindra & Mahindra Financial Service Ltd. a cheng vaobelchhe 150 chuang tihchingpenna hi an hai lang ta a ni.

He pawikhawihna thilah hian MMFSL Area Manager Jakir Hussain chu a hnarkaitu ber a ni a, hnamdang mi 5 hming a lang tel bawk a, heng mite bakah hian Mizo inhnamhnawih mi 5 Lalthankima (office staff), Edenthara (Business Executive) C. Lalawmpuia (file lem siamtu) Lalrinunga Ralte (Mahindra Finance leh Jakir-a te inhmelhriattira suihzawmtu) leh Lalchhandama (Mahindra Finance a thawk) te an ni.

Special Investigation Team te hian hnuchhui hna hi an a chhunzawm zel a, midang kangkai thei pawh an la awm thei a ni.

Post a Comment

Powered by Blogger.