Lawngtlai, March 06, 2022 : Vawiin March 06, 2022 dar 4:00pm vel khan Lawngtlai leh Siaha inkar,71 RCC Camp piaha awm, LADC Forest Check Gate piah lawkah mi pali chuanna Zen a chesual a, a hmunah mi pahnih an boral.

Vawiina Zen chesuala boralte hi Lalhnehliana Bawitlung (35) leh B. Vanlalroluahpuia (37) te an ni a, unau niin, B. Zahmingthanga, College Veng, Lawngtlai fate ve ve a ni. An tlan liamlai hi an ṭhian ten lo hmuin College Veng YLA hruaitu te an hrilh a, College Veng YLA te hian chhanchhuah hnathawkin chetsualna lam an pan nghal. Lirtheia chuang damchhuak pakhat zawk hi kawngpuiah a vakchhuak bawk. College Veng YLA ten chetsualna an thlen hian hliam mi pahnih (M. Roluahpuia leh Ramropuia) te hi damdawi inah hruai nghal ni a, ngaihtuahawm an ni lo nia thudawn a ni. Lirthei hi B. Zahmingthanga ta in, chetsualnaa boral ta Lalhnehliana Bawitlung khalh niin, a u hi motor seat hmaah a chuang a, seat hnunga chuang pahnih erawh an him a ni. A upa zawk B. Vanlalroluahpuia hi lehkhathiam thei tak niin, tun hnaia MCS Prelim result chhuak hnuhnung berah khan a inziaktling a ni.

An chetsualna hi kawngthlang lam a ni a, lirthei lum thui zawng hi metre 50 chuang niin sawi a ni a, kawngpui aṭangin motor hi a hmuh theih loh.

Lirtheia chesualte hi zaninah tlaivar pui an ni ang a, naktukah post-mortem an nih hnuah College Veng thlanmualah vui an ni ang.

Post a Comment

Powered by Blogger.