April 21, 2024 (Rauthla) : LADC hnuaia LADBSE CEM's Best Teacher Award dawngtu mi pahnih Pi L. Vanchhawng (Model English School) leh Pu F. Lalrambeiseia (Headmaster Mampui Primary School-I) te chu Lawngtlai District Students' Association (LDSA) ten lawmpuina thuziak an hlan.

LADBSE CEM's Best Teacher Award (Middle School) dawngtu Pi L. Vanchhawng (Model English School) chu LDSA te hian April 20, 2024 a chenna in Lawngtlai Vengpuiah lawmpuna thuziak an hlan a. LADBSE CEM's Best Teacher Award ( Primary School) dawngtu Pu F. Lalrambeiseia (Headmaster Mampui Primary School-I) chu April 21, 2024 khan a chenna in Mampuiah lawmpuina thuziak hi an hlan bawk.

Pi L. Vanchhawng chuan Best Teacher Award a dawng thei chu a lawm thu sawiin,  LDSA ten Best Teacher Award a dawn avanga lawmpuina thuziak an hlan chu zirlai p├ówl an nih anga zirtirtu an chawimawinaah lawmthu a sawi bawk a ni. LDSA Secretary Gabriel Zochhawna chuan he hun hmannaah hian Pi L. Vanchhawng chu zirtirtu entawntlak a ni tih sawiin, a hun taka school kal a, a hun hma a haw ngailo anih thute leh, school naupangte tana inpe zo tak a nih thu sawiin, LDSA aiawhin lawmpuina thuziak hi a hlan a ni.

Pu F. Lalrambeisei chuan, Best Teacher Award a dawn chu Pathian malsawmna leh a thawhpuite tawiawmna avang anih thu sawiin, LDSA in zirlai pawl an nih anga lawmpuina an hlan chu phulo a intih rualin, lawmawm a tih thu a sawi bawk a ni. He hun hi LDSA President Pu F. Lalkulhchungnunga'n kaihruaiin, LDSA Finance Secretary Stephen K. Vanlalfakawma bakah, Samuel Laldawngliana leh Lalramenga Vanchhawng te he hun hmannaah hian an tel bawk a ni.

Post a Comment

Powered by Blogger.