Aizawl, February 25, 2022 : Home Minister Pu Lalchamliana’n nimin khan Directorate of Forensic Science Laboratory, MINECO-ah Cyber Crime hnuhma chhuina tur Cyber Forensic Laboratory bun thar a hawng.
Home Minister Pu Lalchamliana chuan internet hmanga misualte chetna avang hian mi tam takin an pawisa khawl sa te an hloh a, an thlalak leh mimal nun te phawrh mualphoa awmin an data pawimawh tam tak misualte kutah a lut thin, a ti a. Tunhnaiah Cyber Crime kaihhnawih pawikhawihna Mizoramah a hluar nia hmuh a nih thusawiin kum 2020 hnu lamah ringawt pawh Police station-ah thubuai 700 chuang an ziak lut a ni, a ti.
Mizoram Forensic Science Laboratory hi kum 1998 a din a ni a; vawiina hawn tak Cyber Forensic Laboratory hi Division 8-na a ni dawn a. 2021 chung khan pawikhawihna hmun 52 enfiahin, Case 890 leh Exhibit 6885 an endik a, heng an Case te hi Court-ah an dinpui thin a ni.
Post a Comment