Aizawl, February 25, 2022 : Chief Minister Pu Zoramthangan Lunglei Municipal Council bultanna atan cheng nuai 80 dah ani tih sawiin a tul anga sum pekbelh theih tura ruahman a ni, a ti.
Hetih lai hian, Lunglei Municipal Council (LMC) din tura hmalakna kal mek te leh hmachhawp hrang hrangte zirhona hun ‘Sensitization Meeting on Lunglei Municipal Council’ chu nimin khan neih a ni.
UD&PA Director Pu H. Lianzela chuan Lunglei khawpui ti hmasawn zel turin Municipal body chak takin a enkawl a hun ve tawh a ni a ti a, LMC din a nih chuan thuneihna semzai na a takin an hmu anga, mipui thlan an aiawhten khawpui enkawlna kawngah mawhphurha leh thuneihna sang zawk an nei dawn a ni, a ti.
LMC atan hian CEO, Secretary, Superintendent, Finance & Accounts Officer leh Assistant post siamna Notification January 24 ah tihchhuah niin LMC Office dinna tur pawh sawrkar atangin a remtihna hmuh tawh a ni a, Convention Centre-a bultan tum a ni. Lunglei Municipal Council hi sawrkar kumthar atang hian bultan theih beisei a ni.
Post a Comment