Aizawl, February 28, 2022 : AH & Vety Minister Dr. K. Beichhua chuan African Swine Fever avangin Mizoramah vawk 33,417 an thi a, ASF vei nia rinhlelh vawk suat zat chu 10,910 a ni a, ASF avanga vawk thi hlut zawng chu vaibelchhe 60, nuai 82, sang 3 a nih thu vawiin, February 28, 2022 khan House a hrilh..
Dr. K. Beichhua chuan ASF avanga vawk suat te zangnadawmna chu central sorkarah thlen a nih tawh thu a sawi a. Zangnadawma pawisa hi an la hmuh loh thu leh Central hotute tiam angin hmuh ngei an beisei thu a sawi. Vawk thi pakhat zelah Rs. 3,000 a zangnadawmna an dil thu a sawi bawk. SEDP atanga zangnadawmna pek tur leh tur loh hi sawi a la awm lo a ti bawk.
Dr. K. Beichhua chuan ASF lakah Mizoram chu kan fihlim tawh niin a sawi a, state dang atangin vawk him nia an hriat te chu lakluh an phal tawh tih a sawi bawk.
Post a Comment