Rauthla, September 14, 2021 : Vawiin September 14, 2021 khan Lawngtlai West bialtu MLA Pu C. Ngunlianchunga chuan Myanmar atanga raltlante lo buaipuitu khua khaw hrang hrangte tan tanpuina sumfai a hlan.
MLA Pu C. Ngunlianchunga'n sumfaia tanpuina a pek khuate leh sumfai a pek zat te chu Thingsai ah Rs. 10000, New Ngharchhip ah Rs. 8000, Ngharchhip ah Rs. 5000, Cherhlun ah Rs. 5000, Bualpui 'H' ah Rs.5000 te an ni.
He tanpuina sumfai hi Lawngtlai West bialtu MLA Pu C. Ngunlianchunga aiawhin, S. Tuipui Block II Congress Committee President Pu C. Lalchangliana'n a hlan a ni.
Lawngtlai West bialtu MLA Pu C. Ngunlianchunga hian raltlante chhawmdawlna tur leh Covid-19 dona atan tunhnai maiah pawh khan a bial pawnah vawi tam tak sumfai leh bungrua ten a lo pe fo tawh a ni.
Post a Comment