April 27, 2024 (Rauthla) : Central YLA Kumpuan Committee chuan YLA kumpuan thupui 'Ram leh Hnam humhalh' bawhzuina kalzelah April 25&26, 2024 khan Tuichhak tlang dunga YLA Branch awmna zawng zawngah leh YLA Siaha Sub-Hqrs. leh a hnuaia Branch pali teah Awarness Campaign an nei.
CYLA Kumpuan Committee te hi CYLA Vice President Pu F. Lalrothanga. General Secretary Pu Joseph Lalhmingthanga Chinzah leh Fin. Secretary Pu T. Rohlupuia ten an hova. Kumpuan Committee atangin Vice Chairman Pu A. Malsawma, Secretary Pu Lalngaihzuala Fanchun, Treasurer Pu Lalhriatchhunga bakah Committee member pahnih Pu PT Vanhoy, Pu C. Lalthatluanga leh CYLA Office Secretary Pu Joseph K. Lalawmpuia te an tel bawk. YLA awmna Branch tinah hian Kumpuan Committee te hian Ram leh Hnam humhalh chungchangah inzirtirna an pe zel a, hemi bakah hian YLA Golden Jubilee lo thleng tura thil tul leh pawimawh inhrilhriatna neih niin, YLA Branch tinte pawh helam hawia inbuatsaih tan a tul zia an sawi bawk.
CYLA Kumpuan Committee ten 'Ram leh hman humhalh' chungchanga awarness campaign an neihnaah hian zaithiam pahnih T. Lalhlimpuii leh Hmangaihzuali te zaiin kalkhawmte an awi a, Golden Jubilee Theme Song an sa zel bawk.
CYLA Kumpuan Committee te chuan YLA Branch tinte chu Ram leh Hnam humhalh kawngah chak taka hmala chhunzawm zel turin an chah a, an lo dawnsawnnaah lawmthu an sawi bawk.
He hunah hian Sub-Hqrs, Group leh Joint YLA te hnenah sumfai hlan a ni a, Branch hrang hrangte hnenah Bawngtuthlawh, Suahdur leh Silpouline hlan vek an ni.
Post a Comment