Lawngtlai 07.09.2021 : Taliban chuan mi 1,000 vel Afghanistan chhuahsan tumte chu an dal (prevent) a, mi 1,000 vel chu Afghanistan chhuahsana ram danga kal phalna (visa) neite an ni a, United States leh ram danga kal turte an ni.
US media-in a report dan chuan thlawhna tam takin chhuah phalna departure clearance) an nghak a, New York Timesin a report dan chuan hetianga khawtanna awm chu US leh Taliban-ten inbiakna an neih mek vang a ni.
US Media-te chuan tuna Kabula thlawhna dingte chu chhuak thei mai tura an phurh turte inpeihsa an la ni lo a ti a, passenger turte chu Taliban-ten Airport-a luh an phal loh avangin Airport bul velah chuan an awm niin an sawi.
Mihring thiarchhuah chungchang incharge Pentagon official chuan hetianga Taliban-ten Afghanistan chhuahsan duhte an la phal lohna chhan ber chu United States an lo puih tawhna avanga hrem an duh vang a ni a ti a. Tun hmaa Pentagon official Mick Mulroy chuan hetianga Taliban-ten anmahni hlawkna (bargaining chip) atan mihring tihhrehawm pawisa lo va an hmang a nih chuan pawm theih a ni lo (unacceptable) a ti.
Hetih lai hian US House Foreign Affairs Committee-a senior Republican Michael McCaul chuan Mazar-i-Sharif International Airport-ah Taliban chuan thlawhna parukah Afghanistan chhuahsan thei lo vin American-te an la dang (block) a ni a ti. Afghanistan chhuahsan tura phalsak tawh Talibanten airport chhuahsan an phal loh chuan an dinhmun chu hrenbeh (hostage situation) a ni tawh a ni a ti.
McCaul chuan thlawhna kal chhuah nan Taliban-ten thil dang an phut (in exchange) a nih chuan a awmzia tak chu United States of America-in full recognition a pek Taliban chuan an phut tihna a ni a ti.
Kar kal ta zirtawpni khan US Secretary of State, Antony Blinken chuan Afghanistan chhuahsan duh American-te nen chuan inbiakpawhna (constant contact) an nei tih a sawi a, “Doha, Qatar-a kan team tharte chuan American, Afghanistan chhuahsan duhte chu an pepawp reng a, hemi atan hian management team pawh kan siam tawh a ni” a ti. US chuan Afghanistan chhuahsan duhten an chhuhahsan theih nan Taliban-te nen chuan inbiakpawhna (channels of communication) an la nei zel tih a sawi a ni
Post a Comment