May 11, 2024 (Rauthla) : Phawngpui Photographers Association (PPA) chuan vawiin khan Chhimtuipui (Tuipui Ferry) luidung tifaiin an hnatlang a, PPA hian Lawngtlai khawpui tuilakna Chengpawngli an tifai bawk.
PPA member thahnem takte hian Tuipui Ferry lei thlanglam, Lawngtlai lam Chhimtuipui lui dunga bawlhhlawhte chharfaiin, Lawngtlai khawpui tuilakna Chengpawngli an tifai bawk. PPA hruaitute chuan helai velah hian thil eina kawr, plastic leh polythene a tam hle tih an sawi a, vawiin an hnatlannaah hian bawlhhlawh bag 35 lai an chhar.
Phawngpui Photographers Association (PPA) chuan kan tui tlan ber a lo thianghlim a, tui in tur tha kan neih theihna turin Chengpawngli hi humhalh a, a tithianghlim tura theihtawpa tan la turin Lawngtlai mipuite an ngen a, Chhimtuipui luidunga kal thin mipuite pawh kan luidungte vawngfai a, tithianghlim zel turin an ngen a. Helaia kalte chu an duhloh paihna bawlhhlawh bawm keng zel turin an ngen bawk.
PPA hian an bawlhhlawh chharte phurtu tur lirthei hman tir tu Sanitation Department, LADC chungah lawmthu an sawi bawk a ni.
Post a Comment