Lawngtlai 07.09.2021 : September ni 30-a West Bengal Assembly bial Bhabanipur by election-ah chuan West Bengal Chief Minister Mamata Banerjee chuan a duh ngei dawn a, Congress tan chuan candidate an dah dawn nge an inngaihtuah hle. Bhabanipur chu Mamata Banerjee vawihnih a lo tlin tawhna a ni a, West Bengal chu Trinamool Congress hneh taka sawrkar mekna a ni a, chu a chhapah khin tur chu Chief Minister a ni.
Congress chu kumin April May thlaa West Bengal Assembly thlannaah khan Left Party-te nen an tangho nain a nil a, Left Partyte pawh an nil bawk a ni. Congress chuan an ngaihtuahnaah chuan tun hnaiah Trinamool Congress (TMC) nen an inkar a thain tun hnaiah khan Mamata Banerjee chuan Congress President Sonia Gandhi chu New Delhiah a hmu a, chutah chuan BJP hneh turin eptute an tanrual a tulzia leh mimal inkarte chu dahthat a tulzia an sawidun a. Chutiang karah chuan Mamata Banerjee khing tur emaw, BJP ni lo party-ten a hrang hranga chuh chu rem tehnuai lovin an hria a ni.
Hetiang boruakah hian Mamata Banerjee chuan TMC mite chu Sonia Gandhi bei zawnga thu engmah sawi lo turin a hrilh a, chu chu an awi (zawmtha) hle a ni tih a hriatna chu tun hnaiah Silchar nu, Pu Santosh Mohan Dev (L) fanu Sushmita Deb chuan Congress chhuahsanin TMC a zawm a, thu kam khat mahin press conference a neih leh interview-ah te Congress a bei lo a ni. Sushmita Deb chu Congress leh TMC inkar dawhzawmtu kailawn (bridge) pawimawh tak a ni thei dawna ngaih a ni
Post a Comment