Manchester United chuan Deadline Day khan Juventus atangin an forward hlui Cristiano Ronaldo an lei let a, Ronaldo-a’n lei let hnuah Ronaldo-a jersey hi hralh a kal hle a, record awmsa a khum hial a ni.
Ronaldo hian a number larpui em em jersey no.7 a ha dawn tih a chian rual khan a jersey hi zawrh chhuah nghal a ni a, Ronaldo jersey hi an hralh hnem em avangin darkar li pawh tling lovah ni khat chhunga jersey hralh hnem ber record awmsa a khum nghal.
Ni khat chhunga Ronaldo jersey hralh zat record thar hi football chauh a ni lova, infiamna huang hrim hrimah niin, Lionel Messi (PSG), Tom Brady (Tampa Bay Buccaneers) leh LeBron James (LA Lakers) te pawh a khum vek a ni.
Post a Comment