Assam mite'n kan ram chhungah buaina vawi duai lo an lo siam ta. He ramri a buaina hian Zofa hmun hrang hranga awm te inpumkhatna tha zawk min neih tir mawlh rawh se. Vairengte Thalai rual inpekna hian zoram hmun hrang hranga Thalaite chu ram leh Hnam humhalh kawngah chona duhawm tak min hnuchhiah ta. Engtin nge keini Thalai rualte hian kan chhan ve ang le.
Kan awmna District leh ramri buaina hmun hi inhlat tak a ni a. Mahse, kan ram ani tlat avangin kan awmna hla mah se, kan tih theih tawk ah Laifate kan tlanchhe ngai lo tih Chiang takin Central YLA chuan an rawn ti lang leh ta. Bairabi lama buaina a chhuah tum khan Central YLA hruaitute hi a hmun ngei ah kal in thil thlen dan an ngaihtuah a. Tun tum ah pawh hian hri leng avangin an duh ang leh tha an tih ang pawhin an chhechhuak thei lo, mahse a tul hun apianga che chhuak thei tura inpeih tlat Central YLA kan nei hi Lairam mipuite tan hian an thlamuanpui awm hliah hliah a ni.
Central YLA te hi tlawmngai pawl an ni satliah lova, vawi duai lo ram leh hnam humhalh kumpuan a lo nei tawh an ni a. Tun ang huna an hmalakna hian rah duhawm tak a chhuah ngei pawh a beisei awm tlat a ni. Zoram hi kan tan a ni a, Lairam neitu kan ni tih hre reng chunga Chhim tawp atanga ramri Veng kawnga hnathawktute thlavang hauh a, an tanpui theih dan kawng an dap chuk chuk hi ram hmangaihtu zia tak tak leh neitu thinlung pu a, ram leh Hnam humhalhna kawnga hma an lak dan hi a fakawm tak zet a. Rilru fim tak Pu chunga ke an pe zel pawh i beisei tlat ang u.
Post a Comment