Lai District Congress Committee chuan North East CM leh Union Home Minister Amit Shah hoa meeting an neih zawh tuk maia Assam Police Officer te leh an Administrator hoa sipai silai keng engemawzat lo kal ten zahpahna nei miah loa Mizoram chhung an rawn lut mai ni lo a, Vairengte khua an rawn lut ngam chu mak an tih thu an sawi a, Assam sipai silai keng lo danga lo nawr lettu Vairengte mipuite an chhuan thu an sawi bawk.
Lai District Congress Committee chuan vawi tam tak Assam Police Force leh Official ten Mizoram ah lo lutin min lo ti buai tawh thin tih sorkar leh mipui pawhin kan hmu tih an sawi a, htiang a nih lai renga kan Police te Buzawl luh chhuaha, Assam Police ten tan hmun a tana an hmang kha kan sorkar tan pawh inenletna tham a tling a, kawng lehlamah chuan a mualpho thlak bawk an ti a, uluk leh zuala kan hruaitu ten ral an rel that a ngai hle a ni tiin, Hmarchhak CM ten State Boundary chungchang an sawi zawh tuk lawka khatianga Assam sorkar an rawn che kha kan Chief Minister thamlohna lian tak a ni a, Mizoram mipuite kan tan rual a ngaitak zet a ni an ti bawk.
Lai District Congress Committee chuan Mizo sipaite an chhuah thu sawiin, Mizoram leh mipui himna tura an nunna thapa min rawn chaldelhtute an tlawm chu lawmin an tih thu an sawi a. Kan sorkar pawh hian kan sipaite hi duata kawng engkima thuam tha turin kan kan ngen a ni an ti a Mizorama Party hrang hrangte pawhin kan Party nihna dah tha a, Hnam anga tan rual hun a nih a vangin kan theihna zawnah sorkar i thlawp tlat ang u tiin Lai District Congress Committee chuan thuchhuah an siam.
Post a Comment