Assam hian vawi duai lo minrawn ti buai tawh a, 2018 ah pawh Zophai ah min kap hrep tawh a nih kha, tichung chuan Mizo techu a dawh thei tu lamah kan tang zel a, kan dawhtheihna chu kan chakloh na ah ngaiin anni chuan min zuam chho zel a ni.
Tun hnai ah pawh vawi duai lo Mizoram chhung ah Assam hian buaina an rawn siam leh tawh a, Ramri nilovin Ramchhung ah kan buai tawh ti ila kan sawisual awm love. Harsatna leh Inhriatthiam lohna te sawifel theih a ni em tiin Mizoram CM leh State dang CM te Shillong dawhkan chungah Union Home Minister meuh kaihhruaina in meeting neih a ni a, meeting zawh rual rual hian Assam Police techu kan CM rual deuh thaw in Mizoram ah rawn lut in min rawn kap leh ta a ni. Assam ah Himanta Biswa Sarma CM a nih atang chiah hian Assam hian a Ramri hrul a State dang te a ti buai zual nasa em em mai a, Tun tuma Mizoram Vairengte ah silai an rawn hmehpuah ni vek hian Meghalaya ah buaina an siam bawk a, Arunachal Pradesh leh Nagaland ah pawh a khat tawkin buaina an siam chawl lo a ni. Tun hun hi nidang nen a in anloh na erawhchu Mizoram sipai tehian Assam Police tehi an kap let ve a, Assam lam mi 8 in nunna an chan ni a hriat a ni.
Tun dinhmun thil thleng ah hichuan Assam hian min zuam a, min zuam sual ni berin a sawi theih a, tun hma atang khan sipai an ngah zawk zia leh ralthuam an neihthat zawk zia techu an chapo pui leh in vaupunna aw ka ber a ni thin a, heihi tun ah pawh an chhuan ber ala ni fan. Assam in a thenawm State zawng zawng a ti buai reng a, do let ngam reng an awm ngailoh avangin an pawrh tual tual a, tunah erawh do let ngam an rawn chhuak ta! Chuchu Hnamdang te ngaihdan a ni. Tun inkah chhung hian MZP/NESO te leh North East State zirlai hruaitu hrang hrang techu engtik lai pawn kan inbe pawh reng a, Mzp aiawh hian kei Neso Finance Secretary hi ka tel nghal a ni. Arunachal te, Meghalaya te, Nagaland te nen thil thlendan te inhrilh zelin chung inbiakna leh thilthleng techuan State dang mileh sa techu nasa takin phur na leh huaisenna a pe thar a, North East State hrang hrang te hian Assam nilovin Mizoram chu an tan fai vek a ni. State dang zirlai hruaitu te leh NESO chuan tunah hian he buaina chungchang a hmalak dan tur hi an buatsaih mek nghe nghe a, Khasi, Naga leh Arunachal techuan Mizoram lam ah nghet takin an din thu min hrilh a, keini pawhin heng hruaitute hi Assam lakah nem reng lo turin thu kan chah a, anni pawh hian Mizo te tih dan chu an entawn ber anih thin thu leh, an la entawn zel tur thu an sawi bawk. Assam in a tihbuai ve reng thin State dang hruaitu te hian a rang lamin inhmuhkhawm a, chak leh awmze nei zawk a tanrual a, hmalak dan tur sawiho turin MZP(Mizo) te min rawn sawm a ni. Hetih lai hian mak tak main All Assam Students Union hruaitu tepawhin MZP/NESO chu rawn be pawh ve leh in tun buaina avang hian Assamese (Assam mi leh sa diktak) techuan Mizo te engkawng mahin an huat loh thu leh he buaina hi Assamese leh Mizo inkar buaina a nih loh thu an rawn sawi a, Boruak an thlithlai reng a, Guwahati ah Mizo harsatna tawk an awm phawt chuan AASU chuan an thlavang a hauh zel ang tiin min rawn hrilh a ni.
Post a Comment