Aizawl, February 24, 2022 : Mizo Zirlai Pawl (MZP) hruaitute chuan nimin khan Power and Electricity Department Engineer-In-chief Er. Lalduhzuala Sailo chu a office-ah hmuin, zirlaite exam chhunga power supply khaihlak lo tura hma lakpui turin an ngen.
Power & Electricity E-in-C Er. Lalduhzuala Sailo chuan, “kan ven theih loh khuarel chhiatna a thleng a nih loh chuan zirlaite exam chhung chuan power supply a khaihlak loh nan theihtawp chhuah kan tum ang,” a ti a. Department-in power supply khaihlak a awm loh nan a tul ang anga hmalak an tum thu leh, eng emaw avanga shutdown ngaite a awm pawhin, zirlaite exam loh hun a insiamrem hram hram an tum tur thu a sawi.
MZP chuan HSLC leh HSSLC zirlai exam hmachhawn turte chu duhsakna sang ber an hlan tih an sawi a. Result duhawm tak an neih ngei MZP chuan a beisei takzet a ni an ti.
Post a Comment