Tuivai, February 24, 2022 : Nimin khan Rajya Sabha MP Pu K.Vanlalvena chuan Mizoram leh Manipur inkalpawhna National Highway 150,Tipaimukh road Tuivai Lei dawh thar tura ruahmanna awm mek chu chak zawka hna tan a nih theih nan a hmunah a tlawh.
Rajya Sabha MP Pu K.Vanlalvena chuan Mizoram leh Manipur inkalpawhna Tuivai Lei dawh thar tur ruahmanna kalpui a nih dan sawiin, "He Lei Motor zawh theih 'Thir Lei (Bailey bridge)'-a dawh tur hian March ni 3, Kum 2019 khan cheng Vbc 8.16 sanction a lo ni tawh a, Lei dawh tur hian tender koh thin niin chhangtu an awm ngai lo a, tender vawi 3 koh a nih hnuah Guwahati-a mi Sastrik Contruction Pvt Ltd.-ten 26% zeta sangin an chhang a, he hna thawk tura tih an ni ta lo a ni.Tunah hian Estimate dang siamin tha thara hmalak leh a ni a, Lei chak leh khauh zawng ruahmanna awmsa 30R chu a let 70R-ah ruahmanna tharah hian tihsan a ni.Tuivai Lei dawh tharthawh lehna atan hian cheng Vbc 11 vel DPR siam niin, Ministry of Road Transport & Highway, Govt of India, North East bialtu R.O nen pawh kan sawi dun tawh a, Estimate thar pawh Ministry of Road Transport & Highway-ah thehluh fel tawh a ni," a ti.
MP chuan, "Tipaimukh road, tunhmaa “Motor kal hleih theih lohna thin chu MNF sorkar-ah nasa taka thuamthat niin Tuivai Lui thlengin black top tlan nuam taka siam a ni a,Tuivai Lei dawhkai a nih hunah chuan Manipur nen fur leh thalah awlsam takin kan inkalpawh thei tawh dawn a, a nghahhlelh awmin Chief Minister kawng vei tlattu kan nei hi a lawmawm hle a ni," a ti a. Assam-hoin an duh duh huna an dan pin theih loh kawng (road) dang ngaihtuah hi Hnam rilru a?ang pawhin ngaih pawimawh a tul hle a,Tuivai Lei hi a taka hman theih a nih hunah chuan thenawm state-a kan Zohnahthlak Unaute nen pawh inpawhna thuk zawk kan neih ngei ka beisei,'' Pu K.Vanlalvena chuan a ti bawk.
Rajya Sabha MP Pu K.Vanlalvena chuan Model Village atana a lo puan tawh Ratu khua tlawh nghalin Khawtlang hruaitute nen inkawm khawmna hun ?ha tak an hmang a, Khawtlang mamawh an lo thlente chu a hmunah tlawh nghalin hmalak dan tur awm theite an thlirho a ni. Ratu khua hian Model Village-a puan an nih an lawmzia entirnan Rajya Sabha MP hmingchawia 'K. Vanlalvena Road' an sak chu Pu Vena hian a hawng nghal bawk a ni.
Post a Comment