Bualpi 'NG', February 28, 2022 : A luancia kan hmaizarh ah khan Pu V.Zirsang, CEM, LADC cu Bualpi 'NG' ah a tlawng.
CEM hi LADC Sub-Hqrs Bualpi "NG" khuatlang hruaitu pawl le VC pathum hna le YLA hruaitu hna le, Pu Zirliantluang Tinthe, Bualpi "NG" R.O le a Staffs hna nih R.O Office ah an rak don i, caantawi an hmangti hna. Bualpi "NG" khuatlang aiawh hruaitu pawl nih Pu V. Zirsang CEM hi Pangpar thi hna rak oih in an rak conglawmh i, an khua a rak tlawn tik ah zalong tein khuatlang nih an herhmi thil tete hna rak tlunh in tonbiaruahnak an ngeihti khawh caah lunglawmhnak bia an chim.
Khuatlang hruaitu pawl nih hin CEM sin ah nawlpatnak ca tial in, Bualpi "NG" cu LADC Sub-Hqrs a sinak ah a sining bantuk a si lonak kong le a sining bantuk te in a function khawh nakhnga riantuanpiak ding in an rak nawl.
Pu V. Zirsang CEM zong nih bia siaherh chimnak a ngei i, Bualpi "NG" cu Sub-Hqrs umnak a si caah rak tlawn a duhnak le tuan ah caan rem a um khawh lonak kong le tutan ah chungkhar thil poiherh ruang ah caan tha ai on khawh caah a rak tlawng kho hi ai lawmh zia hna a chim. Cupinah a ruahnak leng in Bualpi "NG" khuatlang nih an rak conglawmh caah a hlei in lunglawmhnak bia zong a chim chap. An herhmi thil le a sin i an tlunhmi hna cu a si khawh chung in tlamtlinhpiak hna ai zuamnak kong le Judicial Officer lebang cu chiah hrimhrim awk a sinak kong zong a chim chap. Ai thimmi ram kan si caah kan aiawh in biaceihnak thutdanh i thu ding kan thim tawn hna i, mah kongkau ah hin Ram le Khuatlang caah mi ?hahnem santlai a si kho ding minung kan thim thiam a herhnak kong le mikip nih mah zawnchuak rian cio ah teimanthlu te in tuan a hau i, cuding cun a thar in ruahnak le thazaang hmang peng hna usih ti in forhfialnak bia a chim fawn.
Post a Comment