Rauthla, February 27, 2022 : Leeds United chuan an manager Marcelo Beilsa chu an ban tih vawiin khan an puang.
Leeds United hi English club hlun leh Premier League tihmuhnawmtu an ni thin a. Kum 2004 khan Championship lamah an tlathla a. Hemi hnu hian League One lamah an tla leh a. Kum 2014 khan Championship-ah an inhlangkai leh a, championship-ah hun rei tak an khelh hnuin June 2018 khan Leeds hian an manager hlawh tam ber ni turin Marcelo Bielsa hi an lalut a. A ni hian kum 2020 khan kum 16 chhung an chhuahsan tawh Premier League lamah a hruai kai leh a ni.
Marcelo Bielsa hi football khelh dan hi mi tam tak duh a ni a, team te zawk ni siin open football football a khel ngam thin a, defensive deuh tun ang chi a ti vak lo. Team lian tak an khelh pawhin a system hi a thlak duh chuang lo.
Bielsa hian Premier League an kai season 2020/21 ah Leeds chu 9-na nihpuiin, tun season-ah khel tha tluang pangngaia an kal laiin, tun hnaia Premier League game 4 ah a zawnin an tlawm ta a, Premier League relagation zone-ah pawh point 2 chiahin an him a ni.
Hetiang a nih avang hian Leeds United hotute chuan an club hmasawnna kawnga mi pawh Marcelo Bielsa hi an ban ta a ni.
Leeds United chairman Andrea Radrizzani chuan Leeds United-a ka awm chhunga ka thutlukna siamah chuan a har ber a ni, a ti.
Marcelo Bielsa hian a coaching career hi an rma clun Newell’s Old Boys-ah a tan a, hei bakah hian Atlas, America, Velez Sarsfield, Espanyol, Argentina, China, Athletic Bilbao, Marseille, Lazio leh Lille te a lo enkawl tawh a ni.
Marcelo Bielsa hian Leeds hi match 170 a khelhpui hman a, chak hi vawi 81 nieiin, vawi 59 a tlawmpui a ni.
Marcelo Bielsa thlaktu atan hian Leeds hotute chuan RB Leipzig coach hlui Jesse Marsch an duh ber a, a ni bakah hian Barcelona coach hlui Ernesto Valverde leh Huddersfield boss Carlos Corberan te hming a lang bawk.
Post a Comment