SEDP tihhlawhtlin chhoh mek zel a ni - H. Biakzaua
Sangau, February 10, 2022 : YLA Sub Hqrs Sangau office hawnna hun hi Pu V. Lalduhthiama, President, YLA Sub Hqrs. Sangau in kaihruaiin Rev FP.Lalnunrema, BCM, Phawngpui North Bialtu Pastor-in hunserh a hmang.
Pu H. Biakzaua, MLA, Vice Chairman, Agriculture Development Board chuan Young Lai Association rawn din chhuahna khua Sangaua YLA ten office tha tak an nei thei ta chu lawmawm a tih thu sawiin, YLA members te chu tlawmngaihna ze mawitak chhawm nung zel turin a sawm a, Chief Minister Pu Zoramthanga kaihhruai Sorkar chak tak hnuaiah Mizoram tan hmasawnna hna hrang hrangte thawh chhoh mek niin MNF flagship programme SEDP chu tihhlawhtlin chhoh mek zel anih thu a sawi bawk a, a tul anga neitu rilru pu a, Sorkar thawhpui thiam turin kal khawmte a sawm bawk. Pi S. Hmingsangberi (W/o Pu H.Biakzaua, MLA) chuan YLA Sub Headquarters Sangau Office hmanrua leh thil dang pawimawh leina atan sum fai Rs.20,000 YLA Sub Hqrs Sangau hruaitute kut ah a hlan bawk.
Lawngtlai East Bialtu MLA Pu H. Biakzaua hi Lai Autonomous District Council a Executive Member te; Pu JB Vanhoy, Pu BN Thangpuia, Pu C. Lallianzuala, Deputy Chairman LADC, Pu MC Sanghuliana MDC, Chairman, Town Committee, Pu.K. Hrekunga MDC leh Pu Lalramfawna MDC bakah NGO Hruaitute, MNF Party hruaitute leh Sangau khawtlang hruaitu ten an tawiawm a ni.
YLA Sub-Hqrs. Sangau Office building hi Concrete (RCC) a sak niin Mizo Pa chhiar a chhawng 2 a sang a sak a ni a, Sangau khawchhung a veng lun lai tak leh awlsam taka mipuite pan theih turin Sangau Market Area ah a awm. Chhawng khatna na hi YLA Sangau-II Branch ten enkawlin Kawngpui an chhawng chung zawk, chhawng hnihna hi YLA Sub-Hqrs. Sangau chuan Office ah a hmang chho dawn ta a ni. YLA Sub-Hqrs Sangau hnuaiah hian YLA Branch 13 an awm mek.
Post a Comment