Hmunlai, February 10, 2022 : Lawngtlai West Bialtu MLA Pu C. Ngunlianchunga chuan a bial fangin nimin khan Hmunlaiah MLA Fund hmanga Tui lak a hmunah a enfiah.
Hmunlai khuaa khawtlang hruaitu leh mipuite kalkhawmte hnenah thu sawiin MLA Pu C. Ngunlianchunga chuan, "Hmunlai khuain in kawtkai mai tui inlak theih tawh tâk avangin a khaw mi te in lawm tluk zetin ka lawm a, Pathian leh nangmahni zarah MLA a thlantlin ka nih hnu hian khaw tinah hmasawnna a nasa em em a, In leh lo, inkalpawhna kawng pawh tun hma aiin hma kan sawn tawh a, heng hmasawnna hmutu ten kan rintlak zia hriain, tun tum bial fannaah hian Voter 2152 zet Congress Party ah an lo in enroll tawh a ni" a ti.
Hmunlai khua hi Lawngtlai West bial chhunga tui thianghlim pipe hmanga lak luh lohna khua, tlang chhipa khua awm a ni a, luite tui, tuikhur siama chawi thin an ni a, Bialtu MLA Pu C. Ngunlianchunga chuan an khaw dinhmun thlirin tuithianghlim intur khawchhungah pump-in pipe hmanga lakluh a nih theih nan hma lain, MLA fund hmangin a siam sak a ni. New Hmunlai YLA hruaitute leh khawtlang mipui chuan an kawtkai maia Tui thianghlim pipe hmanga lakluh a nih chu khawtlang mipuite an lawmzia MLA hi an lo hrilh bawk a ni.
Post a Comment