Aizawl, February 23, 2022 : March ni 10 thleng awh tur, Mizoram Legislative Assembly Budget Session chu nimin khan Speaker Pu Lalrinliana Sailo kaihhruaia neih a ni.
Tihdan pangngaiin nimin session tanni ah Lârsap Dr Hari Babu Kambhampati an house hmaah thu a sawi a, Larsap thusawi chunga lawmthu sawina motion chu MNF member Pu K. Laldawngliana’n a pu lut a, MNF member tho Pu Lalrinsanga Ralte in a thlawp a, vawiinah member ten an sawiho zui ang.
Vawiina session tan a nih veleh Session hnuhnungber leh tun Session inkâra member hlui thi te sùn a ni ang a, hemi hnu hian zawhna leh chhànna hun hman a ni ang a, chumi zawhah Lârsap thusawi chungchânga MNF member Pu K. Laldawngliana lawmthu sawina motion hi sawiho a ni ang.
Post a Comment