Lawngtlai, February 23, 2022 : Nimin khan Rev. B. Zazawna Lai, General Secretary LIKBK chuan
Lairam Gospel Centenary Hall-ah Vanlalzawmpui Hrahsel Music Video ‘Í vanglaiin i siamtu hre reng rawh’ tih chu a tlangzarh.
Music Video tlangzarhtu Rev. B. Zazawna Lai chuan, ‘Laifate hian kan tawng leh zai hmangin khawvel kan dap chhuak mek zel a. Ram danga kan unaute atangin kan zaithiam ten sawmna an hmu fo thin a. Hei hian Laifate inpumkhatna min thlen zel pawh a beisei awm a ni’ a ti a. Zai mite hian an aw chu Lalpa fakna atan ui lova hmang a, rawngbawlnaah tangkai taka ke an pen a tul fo thin a ni, a ti bawk.
Rev. B. Zazawna Lai chuan, keimahni leh keimahni hi kan inngaihhlut thiam a ngai hle mai a. Laifa zaithiam tak tak te hi Laifate vek hian kan ngaihhlut thiam pawh a ngai hle a ni, a ti bawk.
He hla phuahtu Upa CZ. Thanliana’n Music Video thlirlawkna leh a phuah chhan te sawifiahna a nei bawk a. Music Video tlangzarhtu in a tlangzarh hnu hian kal khawm te’n video thlirhona an nei bawk a ni.
Music Video tlangzarhna inkhawmah hian Vanlalzawmpuii Hrahsel leh a u Vanlalawmpuii ten kalkhawmte zaiin an awi bawk a ni.
Vanlalzawmpuii Hrahsel hi kum 2018 khan Mizo Idol ah a lo inlan tawh a. Kohhran Zaipawlah te telin kohhran programme leh sorkar function hrang hrangah te zai a sawm hlawh pawl tak a ni a. Tuna a Music Video siam hi a siam hmasak ber a ni a. Pi Ngurnunsangi Chinzah in a sponsor a ni.
Nimina Vanlalzawmpuii Hrahsel Music Video inkhawm hi Pu Elvis Lalthangzuala’n kaihruaiin Rev. Dr. L.H Lalpekhlua’n hunserh a hmang bawk a ni. .
Post a Comment