Rauthla, January 31, 2022 : Mizorama Vawk pul hri African Swine Fever a len hnuah a vawikhat nan a zawnin ni 31 chhung chu he vawk pul hri avanga vawk thi a awm ta lo.
AH& Vety department chhinchhiah danin nikum December 30 a vawk pakhat thi tih loh chu December 31 atanga nimin January 30 thleng khan ASF avangin vawk thi a awm leh tawh lo a ni. Vety Department hotute hian kumin February thla hi chuan ASF hri leng hi a rem an rin thu nikum khan an lo sawi lawk tawh a ni.
Nikum March 21 a Lunglei District a Lungsen khuaa vawk pul hri a leng tan tih finfiah a nih hnuah ASF vawk pul hri avang hian Mizoramah 29824 an thi tawh a, hri darh zel tur venna atan vawk 10381 suat a ni tawh bawk.
He vawk hri leng hian Mizoram District zawng zawng luh chilhin khaw 272 ah hun engemawchen bu a khuar a, ASF hri tih finfiah loh, mahse ni ngeia rinhlelh avanga vawk thi 533 a awm tawh a ni.
Post a Comment