Vathuampui, December 10, 2021 : Vawiin December 10, 2021 khan Pang Zirlai Pawl (PZP) bultuma buatsaih Pang hnam kut, Naumariamlak Kût chu Vaṭhuampui Rest House tual zawlah hman a ni a, he kutah hian Pu L. Daniala, Executive Member, i/c Education (Primary), LADC chu Kût pa niin, he kut hi a hmanpui.



Kût Pa, Pu L. Daniala chuan, Pang hnam kût hlut ber, Naumariamlak Kut a Kût Pa a ni thei chu vannei a in tiin, a  lawm  tak zet  tih thu a sawi a, Pang hnam hrang hrangte chu hnam ziarang, ṭawng leh Culture te humhalh a, zahpui lo turin a chah  a. Hnam dinchhuahna tur chuan tanrual leh thawhhona ṭha neih a hnam tan theitawp chhuah zel a ngai tih a sawi bawk.



Education (Primary) changtu EM Pu L. Daniala chuan Pu V. Zirsanga, CEM zahawm tak kaihhruai LADC sawrkar chuan Ram ram leh hnam tan theih tawp a chhuah mek zel a, Ram leh Hnam a dam a hmasawn tur chuan Zirna siam ṭhat a pawimawh hmasa tih sawiin, Zirtirtu indaihlohna pawh a rang lama hnawhkhah a ni ang a ti. Zirna hi a pawimawh em avangin zirtitu lak pawh Dan hnuaiah a thiamte leh tlingte chauh lak an ni tawh a, Zirlaite chu theih tawpa inbuatsaih a tang sauh sauh turin a fuih bawk.

Post a Comment

Powered by Blogger.