Leilung leh a chhehvela Nula hmeltha ber 'Miss Universe 2021' atan India nula Harnaaz Sandhu thlan a ni

Rauthla, December 13, 2021 : Nizan khan Israel rama Eilat hmunah khawvel mai pawh ni lo, khawvel leh a pawn thlenga nula hmeltha 'Miss Universe 2021' thlanna neih a ni a, India nula Harnaaz Sandhu chu Miss Universe lallukhum khum tir a ni. 

Miss Universe 2021 thlannaah hian ram 80 in an nula hmeltha chhuanvawr thiau an tir a, heng zingah nula 53 te hi an ram miss an thlan a pakhatna dinhmun hauhtute an ni a, nula 27 te erawh chu pakhatna an theih loh avanga an aiawhtute an ni. Miss Universe thlannaah hian a vawi khat nan Bahrain chu an inlan a, Barbados, Belize, Indonesia, Malaysia, Myanmar leh Uruguay te chu an inhnukdawk.

Kum 21 mi Harnaaz Sandhu hi Guruharahai, Ferozepur District, Punjab a piang a ni a, Ft.5'9 a sâng a ni. Information Technology ah Bachelor Degree neiin, tunah hian Master of Arts in Public Administration a zir leh mek a ni.Hanaaz Sandhu hian Punjabi, Hindi leh English te nal takin a thiam a ni.

Harnaaz Sandhu hian a tleirawl lai atangin hetianga inthehthil vel hi a lo tuipui tawh a. Kum 2017 khan Miss Chandigarh atan thlan a ni a, kum 2018 khan Miss Max Emerging Star India atan thlan a ni bawk. Kum 2019 a Femina Miss India Punjab-a nih hnuah Femina Miss India thlannaah a inlan a, top 12 a thleng phak. Kum 2021 khan Miss Diva Universe lallukhum a khum leh bawk.

Miss Diva Universe a thlan a nih avangin India ram aiawhin Miss Universe 2021 thlannaah a tel a. A pian nalh, hmelthat leh fin em avangin he leilung leh a chhehvela nula hmeltha berah thlan a ni ta a ni. Miss Universe lallukhum hi kum 2020 Miss Universe, Mexico nula Andrea Meza-in a khum tir a ni.

Harnaaz Sandhu hi India nula Miss Universe ni thei pathumna a ni a, a ni hma hian Sushmita Sen (1994) leh Lara Dutta (2000) te chuan Miss Universe lallukhum hi an lo khum tawh a ni.

Miss Universea 2021-a thlan tak Harnaaz Sandhu hi New Yorke-ah a cham rih dawn a, khawvel hmun hrang hrangah event lian tak takah a inlan ang.

Final results[19]	Contestant
Miss Universe 2021	India – Harnaaz Sandhu
1st Runner-Up	Paraguay – Nadia Ferreira
2nd Runner-Up	South Africa – Lalela Mswane
Top 5	Colombia – Valeria Ayos  Philippines – Beatrice Gomez
Top 10	Aruba – Thessaly Zimmerman  France – Clémence Botino  Puerto Rico – Michelle Colón  The Bahamas – Chantel O'Brian  United States – Elle Smith
Top 16	Great Britain – Emma Collingridge  Japan – Juri Watanabe  Panama – Brenda Smith  Singapore – Nandita Banna  Venezuela – Luiseth Materán  Vietnam – Nguyễn Huỳnh Kim Duyên

Special award	Contestant
Best National Costume	Nigeria – Maristella Okpala
Miss Congeniality
Spirit of Carnival Award	The Bahamas – Chantel O'Brian
Social Impact Award	Chile – Antonia Figueroa