Dt 2.August, 2021 : Tokyo Olympics mipa Field Hockey-ah chuan semi final lutah India chuan Belgium, Australia leh Germany-te a zawm.
Nimin khan Belgium chuan goal 3-1 Spain hnehin semi final a lut a. A hmain Australia leh Germany chuan semi final an lo lut tawh a ni. Hun chanve hma lamah chuan Spain chuan 1-0-in hma a hruai zawk a, hun chanve hnuah penalty corner hmangin top scorer ni mek Alexander Hendrickx chuan Belgium si phurh chu a sut a, a hnuah World champion ni lai Belgium chuan goal hnih an tilut leh a ni.
India chuan nimin khan quarter final hnuhnung berah Great Britain goal 3-1 bawka hnehin semi final a lut a, semi finalah chuan Belgium leh India an intum ang. India chuan Great Britain laka an goal hmasa ber chu inkhel atanga minute 7-ah Silpreet Singh chuan a khung a, minute 16-ah Gurjant Singh chuan a khung leh a, minute 57-ah Hardik Singh chuan goal thumna a khung. Great Britain goal awm chhun chu minute 45-ah Sam Ward chuan a khung. Australia chuan quarter final penalty shoot-out-ah 3-0-a Netherlands hnehin final a lut a, Germany chuan Argentina 3-1 hnehin quarter final a lut a, hun pangngaiah 2-2-in an inhnehtawk.
Semi finalah chuan Austrlia leh Germany an intum ang. Germany chuan Olympic champion ni lai Argentina chu goal 3-1-in a hneh a, an goal hmasa ber chu minute 19-ah Lukas Windfeder chuan penalty corner goalah a chantir a ni. Hun chanve hnu lam minute 10ah Yim Herzebruch chuan an captain Tobias Hause pass chu mawi zeta lo lakawiin goalah a thunlut a ni. Minute 48-ah Windfeder bawkin goal a thun leh. Hun tawpna tur minute 8 a la awmin Argentina Maico Casella Schuth chuan penalty corner-ah Argentina tan a khung a, mahse, chu bak chu goal an thun thei ta lo a ni.
Post a Comment