Lawngtlai 2.Aug,2021 : Mizoram Business Co-ordination Committee (MBCC) pawl sumdawng pawl 70 chuang te chuan Aizawla Lockdown puan chhunzawm leh duh lovin tukin zing atanga thu leh awm hma chu mahni chenna ah te, hnathawhna hmunahte leh an eizawnna Lirthei-ah te puan dum emaw flag dum emaw zar vek tur an ti.
Nimin khan MBCC Emergency Meeting neiin Mizoram Sorkar leh Mizoram mipuite hnenah hetiang hian ngenna a siam a, min tih hlawhtlin sak ngei kan beisei an ti. Sorkarin Covid 19 hripui laka mipuite himna tura ruahman na a kalpui dan hi nitin eichawp zawngte leh kut hnathawk tute tana phurrit nasa thei tur ang bera rua hmanna siam niin , Kum 2020 kum pumpui deuh thaw bakah kum 2021-ah ringawt pawh ni 109 ngawt mai khuah khirhna a kalpui hi mipui leh rethei zawkte rahbehna leh ding khaw chhuak zo tawh lo tura awpbehna nia kan hriat avangin tuna Total Lock down a kalpui leh mek hi ni 03.08.2021 ral hma ngeia siam tha turin Mizoram Sorkar kan ngen a ni an ti.
MBCC chuan awmze mumal nei loa Sorkarin Total Lockdown hmanga mipui leh rethei zawkte min awp beh chhung hi a rei tawh em avang in kan tlin tawh lo a, kan Loan ba te, kan in luah man te, Tui leh Electrict bill te, Naupang Online Class kal avanga senso tam tak te, nitin ei leh in turte nen kan tlin ta ngang lo a ni tih entir nan leh awmze mumal nei lova sorkarin Total Lockdown hmanga min awpbeh leh a tumna hi tuar leh theiah kan ding tawh lo a ni tih entir nana hetia hma la hi an nih thu an sawi a. Mizoram mipui zawng zawngte pawhin mi rethei leh harsa zawkte tawrhna leh rahbeh an nih avanga an ngenna te min tawmpui turin puan dum / flag dum hi min zarpui theuh turin kan nge an ti bawk.
Hemi bakah hian Assam Sorkarin Mizoram mipui zah lo taka kan dem a, Mizoram Police (IR) te leh Vairengte khawtlangin ram leh mipui chhana hma an la hi lawmawm kan tiin kan chhuang hle a. Hemi avanga Mizorama bungrua leh thil dang lut tur reng reng, dam dawi leh essential commodities zawng zawng chena Assam sor karin a dang chat vek hi kan dem tak zet a, Ministry of Home Affairs ah Governor kaltlangin an Assam sorkar chet dan duh lohna hi MBCC chuan a thlen dawn a ni tiin an Secretary Lalramsanga Sailo chuan a tarlang.
Post a Comment