Rauthla 5th.08.2021 : The Association of Southeast Asian Nations (ASEAN) chuan Bruinei Second Minister for Foreign Affairs Arywan Yusof chu Myanmar-a inbiakna kawng zawng turin a ruat a. Mahse, hetih lai hian ASEAN ramte zingah ngaihdan inan lohna (division) a awm niin sawi a ni. Myanmar (ram)a remna palai (special envoy) atana ASEAN ramten an Brunei Second Minister for Foreign Affairs an ruat thu hi ASEAN ram Foreign Minister-te inkhawm nimina neih hnuah tihchhuah a ni a, an inkhawmah chuan ram 10 an tel a, Myanmar Foreign Minister pawh a tel.
An thuchhuah chuan an Special Envoy chuan Myanmar tana inbiakna nei tura a huap party-te inkara inrintawnna building trust and confidence) siamin a dawr vek ang a, kumin April thla ASEAN hruaituten inlungrualna point panga (five point concensus) an siam tihpuitlin chu a tih tur a ni. Special envoy chuan Myanmar a tlawh ang a, tharum thawhna tihtawp a, party zawng zawng inbiaktir dan kawng a zawng ang a, mihring tawrhna leh \anpuina pek dan tur kawng a zawng ang. Five point concensus-ah chuan tharum thawhna tihtawp, inbiakna neihtir, chindelna muanawm hmuh chhuah tihte a ni.
Post a Comment