May 17, 2024 (Rauthla) : Vawiin chawmhma Dar 10:30am khan Pu VL. Hmuaka, Chairman kaihruaina hnuaiah Lai Autonomous District Council (LADC) Session neih a ni a, session-ah hian Pu C. Lalmuanthanga, CEM LADC chu Governor of Mizoram Notification-in a phut angin, LADC Session-ah Vote of Confidence nei tura a tih a ni a. Vote of Confidence neih niin, Pu VL. Hmuaka, Chairman LADC chuan, the LADC (CCB) Rules, 2010 Rule 21, Sub-Rule 2 in a sawi ang leh Rule 69, Sub-Rule 3 in thuneihna a pek angin Vote of Confidence chu Pu C. Lalmuanthanga chuan a paltlang tih a puang. He huna tel Elected MDC 18 atangin CEM ring tawk Member 12 awmin a kalh zawngin Member 6 in ban an phar.
CEM Pu C. Lalmuanthanga chuan LADC sorkarin harsatna tawkin thlahnih (2) zet mai sorkar mumal a awm theih loh thu a sawi a, 'Pathian kaihruainain Kohhrante leh mi thahnemngaite tawngtaina zarah, keini United Legislature Party-te chuan sorkarna kan lo siam thei ta hi ka lawm tak zet a ni' a ti a. LADC sorkar Budget a beitham avangin kan ram leh hnam tan hian theih tawpchhuahin hma lak kan tum dawn a, hmun dang leh Revenue collection atangin sum tam zawk thawh chhuah kan tum ang,a ti a. Kan ramah hian hmel danglam (change) a tha zawngin thlen tir ngei kan tum dawn a, a ti bawk.
Vawiin Session-ah hian Pu Sanghuliana Mualchin, Deputy Chief Executive Member (Designate), Pu V. Zirsanga MDC/Ex-CEM, Pu T. Zakunga MDC -Ex- CEM LADC te pawhin thu an sawi bawk.
Post a Comment