Lawngtlai 20.07.2021 : Nimin khan Pu Rosiamngheta, Councillor Aizawl Municipal Corporation chuan Mizoram leh Assam ramri chungchangah Assam Chief Minister Pu Himanta Biswa Sarma chu a hmalakna ngaihtuah nawna ti tawp tura a ngenna lehkha a thawn
1. Mizoram hi India ram kan ni ngai lo va, chuvangin Bristish ho chuan kan rawn luh lohna turin ramri min kham sak a, 1875, Mizo Lal Suakpuilala te leh British chuan inremna neiin Sa-ui an tan a, chu an Sa-ui tanna boundary chu tuna Dholai lui bulah hian a ni. Hei chiah hi Mizo te hriatpui ramri a ni tih i hriat ka duh.
2. Kum 1933 ah Assam ramri chu British ten an siam a ni a, hei pawh hi siam anih laiin Mizoram hi India ram a kan la awm loh avangin Assam ramri a ni mai, Mizoram pawmna pakhatmah a awm lo, chuvangin he ramri hi Assam leh Mizoram ramri a ni tih sawi theih a ni lo. Mizoram chu Bristist term ah chuan Excluded area kan la zawk a ni.
3, Kum 1950 ah khan India chu Republic State a lo ni a, khata tang khan Mizoram chu Part of India a ni. Mizoram pawh chu Assam hnuaiah District council niin kum 1953 ah dah luh a ni ve chauh tih i hriat ka beisei, tin chutih lai chuan tun a Inner line Forest reserved 507 Sq Km hi Mizoram chan a dah anih avangin Tax pawh Mizo District council ah chhun luh a ni a, Assam sorkar chuan lo viltu anih manah 30% a chang ve chauh a, hei hi a dikin i duh chuan a Doument/memo pawh zawn hmuh theihin a la awm ang.
4. Tin, Inner Line chungchang hi han sawi lang leh ila, Inner line hi englai mahin District Council emaw, UT emaw, State emaw Boundary a ni ngai lo va, British hoten Assam lam rawn pelhloh tur leh Mizo lam ten a kan pelh loh tur chin sawina a ni, heihi boundary thu ani lo va Security thu lam zawk a ni e. Tin, Inner line hi kan sawi dawn chuan a bul tanna lam kan sawi chian a ngai a, Assam inner line chu Dholai bulah tan tur a ni ang, a chhan chu nangmahni lam zawk Mizo teritory a luh lohna tura siam a ni a, keini tan chuan Outer line a ni.
5. Kum 1971 ah Mizo mipui rawnna awm lo bawkin Boundary hi rin that a ni a, NEARA act tiin, chutah pawh chuan Bristist hun laia Mizoram tam tak chu Assam-ah dahluh ani a, chu chu MNF leh India sorkar inremna ah khan pawmtir an ni a, Nimahsela he ramri 1971 hi kan pawm ngai lo va, Mizoram mipuite tawrhna nasa tak avang leh remna leh muanna duh avangin Assamin mizoram chu hlepah in lo la lut mai chauh a ni.
Chuvangin heng ka han tarlan te hmang hian Assam hian Mizoram ramri hi a nekin buaina vawi tam tak siam a ni tawh a, mahse Mizo mipuite chuan kan pawm ngai lo vang. Tuna kan sorkar hi in ngam a in ti anih pawn Thangtharte sorkar (New Generation Goverment) Pathiana rinna nghat tlat tute an lo lan a, ramri dik humhim tur leh, kan thlahtute atang a kan ram hi midang tan ni lova, a ma mite ngei tan a dikna hlen chhuak tura hma a rawn lak a, a dikna leh chanvo a rawn zawn let ve hunah chuan in lo hrethiam dawn nia. Engtikni ah emaw chuan tuna inthiltih hi a repurcusion chu a rawn thlen ngei dawn a, chutiang a lo thleng nih pawn in hrethiam ve thung dawn nia.
In thiltum lang reng ni a lang Karimganj, Hailakandi, Cachar ditrsict te, Bangladeshi tamna District Council pakhat hnuai a dah a, UT/State nih tira Bangladesh atanga lokal Muslim infiltrators Pocket siam a Assam Politics ball a hmanrua a in hmanna ni a lang hi kan hmu lawk a, in duh chuan ti ula, Mizoram erawh rawn ei hek tel kher lo turin kan hriattir lawk che a ni. Hetiang hre reng chung a Mizo mipuite security ti chhe thei tura hmalakn leh duanchhuah (designed) anih chuan Mizo thalaite chuan kan ram leh kan hnam himna tura kan tih tur kan ti ve hun a lo la thleng ang, mahse min lo hre thiam hram dawn nia.
Pu.Rosiamngheta nge nge...
ReplyDelete