NULA HUAISEN
Ni 3. 5. 2024 Zirtawpni khan Chhippui khúa, Vengchung (Mamit District) ah Pu Zothanga te in chu vanduaithlak takin bungrua engmah chuh hman lovin a kangral vek a, a kan hun tak hi hriat hian a ni chiah lova, dár 06:45 - 07:00PM bawr vel nia ngaih a ni. Mei hi an thuk atanga intan niin an thuka mei hi kawngka inhawng atanga thli lo lutin a chhem alh a, hei hi an inbangah kangkaiin kangmei hi a chhuak ta a ni. A kan lai hian an nu ber Lalbiakmawii hi inhlawhna chungchang velah a chhuah lawk hlan a ni a, a fapa Jacob Laldinsanga, kum 4 mi bawr vel a muhil a, ani bak chu tumah an awm lo a ni.
Inkang a awm a ni tih hriat a nih veleh hian nula Lalbiakthangi d/o R. Ramliana chu an in atangin a tlan chhuak nghal a, a zu thlen thlak hian inkang hi a lo nasa tawh hle a, thelh theih rual a ni tawh lo. A chhungah naupang a awm avangin Biakthangi chuan kawngkapuia luh tumin nasa takin a bei a, kang hi a nasat tawh ëm avang leh kawngkapui hi a lo kang sawi hman tawh a, luh theih a ni tawh lo. Tukverh tereuhte, (ft 1-ft 2 bial ang vel a nih) hmel e) mihring leng tawk tawk ang velah chuan thei leh thei lovin a bawkvak lut a, a zu luh lai hian naupang hi tui takin a lo la muhil a ni. Naupang tui taka lo muhil chu pawmin chhuahpui a tum a, mahse, amah pawh a leng tawk tawk chauh a nih avangin leh tukverh hi a san avangin naupang nen chuan chhuah theih rual a ni lo. Midang tumah an la awm loh avangin, "Min pui r'u" tiin a au ta vak vak a. Hei hi hriain a nu Remi chuan mei kang nasa tawh tak hnuaiah tukverh bulah lo changin an la chhuak thei ta a ni. Biakthangi chhuak leh lam tur hi tukverh a tet ëm avangin leh a sân ve deuh avang hian a buai hle a, meikhu nen, a sa tawh bawk nen, engtin tin emaw bawkvak chhuakin Tukverh atang hian a tla thla ta a, a chhuak thei ta hram a. A chhuak tur hi a ke a tang a, a chappal pawh a la chhuak thei lova, a kangral vek a ni.
Hetianga Nl Lalbiakthangi'n nunna thapa midangte nunna chhan tura a huaisenna leh a inpekna hi ropui kan tiin kan chhuang takzet a, a chungah khawtlang mipuite kan lawm takzet a ni.
*(Ani hi awm lo se naupang hi kan chanin a kang hlum ngei ang..)*
*Sd/-*
*Secretary*
*YMA : CHHIPPUI BRANCH*
Post a Comment