Lawngtlai 20.July,2021 : Nimin khan Lawngtlai Bazar-a vai dawr kai pakhat Salat Nath (62) chu Covid-19 avangin a boral a. Ti hian Lawngtlai District ah Covid-19 avanga boral mi panga (5) an tling ta a ni.
Salat Nath (62) hi Pu Dilip-a tia kan hriat lar, Lawngtlai Bazar dawr a thawk a ni a. Karkalta Zirtawp zan khan khawsik leh kaw tha lo in a awm a. Inrinni zan dar 11 vel khan Christian Hospital, Lawngtlai ah kalpui niin Rapid Antigen Test hmanga hri a kai leh kai loh en a ni a. A result ah chuan a tha vek a, CHL lamah room a awm loh avangin District Hospital, Lawngtlai ah refer a ni ta a ni.
CHL atangin District Hospital, Lawngtlai ah hruai chhoh a ni a. DHL panpui anih pawh hian a Oxygen Level pawh a hniam hle mai a, hemi zan hian Covid-19 DHL ah pawh RAgT hmangin Covid-19 test leh a ni a, a negative leh tak avangin admit a ni a. Tichuan, District Hospital, Lawngtlai ah enkawl a ni a. Nimin zing dar 9:00 khan a boral a, Lawngtlai Bazar Branch YLA ten a ruang hi buaipuiin KMMTTP road ah a ruang hi hal ral a ni.
Salat Nath hian Covid-19 symptom nei a ni a. A boral hma hian RAgT test vawihnih neih a ni a, a negative ve ve a. Amah hian Covid-19 symptom a neih avangin TrueNAT hmanga test hi neih leh a ni a, hri a kai tih hmuhchhuah a ni ta a ni.
Post a Comment