Vawiin June 25, 2021 (Zirtawpni) khan South Lungpher khawtlang chuan New Siaha West leh Siahatla vengte tan chawhmeh Pick up trip 2 phur an pe.
Heng chawhmeh an pekte hi Antam tel 450 chuang, Maian tel 270, Mautuai, Tumbu, Thingthupui leh a dangte niin, heng chawhmehte hi chhungkaw tin ten an remchan dan anga an zawn khawm atanga an thawhkhawm a ni a, heng bakah hian Branch YLA in nimin khan hnatlangin chawhmeh hi ram lamah an zawng bawk a, mi 60 chuang an thawk chhuak.
Vawiina chawhhmeh an hlan te hi New Siaha West VLTF leh Siahatla VLTF hruaitu ten an lo dawng a. Veng pahnih VLTF te chuan hun harsa an tawh laia veng mipuite tana chawhmeh thahnem tak South Lungpher khawtlangin an pe chu an lawm takzet tih an sawi a. South Lungpher Branch YLA hruaitute chuan thahnem deuh zawk leh zau deuh zawka a mamawhtute tana chawhmeh sem chhuah an tum laiin, tunlai kan hun tawnin a zir loh avangin duh angin hmalak a har thu an sawi a, hun remchang a awm chuan hetianga hmalak zel hi an tum tih an sawi bawk.
Post a Comment