Vawiin Ni 12.06.2021 tun thla a Inrinni vawihnihna a ni a. Sorkar in Total Lockdown a pawtsei chhunzawm a. Mipuite pawhin kan dinhmun kan inhre chiang chho zel a. Sorkar thupek pawh kan zawm chho tan hle a ni. Vawiin lam thil thleng thenkhatte lo chhiar leh dawn te ang.
1. Mizoram Sawrkar chuan Mizorama cheng India khua leh tui nghet zawng zawng, hri danna lak remti chu a thlawnin COVID-19 hri danna pek an nih tur thu vawiin khan a chhuah a. Hemi chungchanga Sawrkar hriattirna hi vawiin khan Secretary, H&FW-in Governor hmingin a chhuah a ni.
2. Prof. F. Lalnunmawia, Aizawl South bialtu MLA chu vawiin June 12 khan ZMC ah RAgT hmanga test niin COVID-19 a positive tih hriatchhuah a ni. Mild symptoms a nei.
3. Vawiin khan Mizorama District hrang hranga Covid-19 vei enkawlna atangin mi 187 an chhuak.
4. Vawiin khan Phawngpui Photographer Association, Lawngtlai leh TKP Nazareth Unit ten thing phun hnatlang an nei.
5. Mizoram puma ni 20.04.2021 atanga COVID-19 laka inven nana inkhuahkhirhna khauh zawka kalpui chu Lawngtlai khawpui chhungah pawh khauh taka kal chhohpui zel a ni a. Lawngtlai khawpui chhung veng 12-a COVID-19 Executive Duty-te chuan vawiin khan dan bawhchhia mi 8 manin, he'ng an mi mante hi pawisa Rs 800/- chawitir an ni a. COVID-19 vanga inkhuahkhirhna kalpui chhung hian dan bawhchhia mi 1,123 man tawh niin, pawisa chawitir zat hi Rs 1,31,550/- a tling tawh a ni
6. Vawiin khan Chawngte CHC a Covid-19 sample an endik atangin Covid-19 positive 7 hmuhchhuah belh an ni.
7. Vawin khan Taxation Minister Pu Lalchamliana, Disaster Management & Rehabilitation Department changtu ni bawk chu Union Finance & Corporate Affairs Minister Pi Nirmala Sitharaman kaihhruai GST Council Meeting Vawi 44na ah telin, he meeting ah hian Covid-19 dona leh damlote enkawlnatur damdawi leh hmanrua atana GST lak chungchang ngaihtuah a ni a, mipuite chhawk zangkhai thei turin ruahmanna siam a ni.
8. Vawiin khan Pu Lalchamliana, Minister, Disaster Management & Rehabilitation chuan nizan lama Thuampui Veng-a Lungrem chimin a hnawl, Pu Lalbiakzuala te chhungkua leh leimin-na hmun a tlawh. Pu Chama hian chhiat tawhna lo thleng chuan a barakhaih thu leh nunna hlu tak 4 (pali) lai mai chân an awm chu pawi a tih thu leh a tawrhpui thu te a sawi.
Post a Comment