COVID-19 317 HMUHCHHUAH THAR AN AWM LEH TA. POSITIVE ENKAWL MEK 3388 AN AWM
Lawngtlai 08. June,2021 : June ni 7, 2021 khan ZMC RT-PCR laboratory-ah COVID-19 positive 128 hmuhchhuah a ni a. TrueNAT laboratory-a sample test zingah COVID-19 positive 21 a awm bawk a, Rapid Antigen Test hmanga COVID-19 positive hmuhchhuah thar 168 an awm thung a ni.
Nimin khan Sample 3967 (Mipa - 2125, Hmeichhia - 1842) chung zingah chuan positive 317 hmuhchhuah thar an ni a. Sample an test atanga Positive hmuhchhuah zat hi 7.99% a ni. Heng positive an hmuhchhuah zingah hian Symptom nei 231 awm in, Symptom nei lo mi 86 an awm bawk. Tin, nimin vek khan positive enkawl lai mi 208 chu Covid-19 positive enkawlna hmun atanga chhuahtir an ni thung.
Tun dinhmun ah hian Mizoram-ah hian positive enkawl mek 3388 an awm mek a. Covid-19 avanga nunna chan mi 55 an awm thung. Hri a lo len atangin hri kai mi 13996 an awm a. Heng zinga mi 8197 hi mipa an ni a, hmeichhia 5799 an ni a. Dam taka chhuak hi 10345 an ni.
Mizoram a District 11 ah hri vei enkawl lai an awm vek a. Aizawl District ah 2533, Lunglei District 241, Siaha District 47, Champhai District 14, Kolasib District 184, Serchhip District 69, Lawngtlai District 239, Mamit District 21, Khawzawl District 11, Hnahthial District 0 leh Saitual District 29-te enkawl mek an ni.
Nimin khan ZMC RT-PCR Laborator ah sample 1451 (Mipa – 737, Hmeichhia - 714) endik atangin Covid-19 positive 128 hmuhchhuah thar an ni a. Mipa 65 leh Hmeichhia 63 an ni a. Symptom nei 96 leh Symptom nei lo 32 an ni. An vai hian Aizawl District vek an ni.
TrueNat khawl hmanga positive an hmuhchhuah hi 21 an ni a, 337 (Mipa - 222, Hmeichhia - 115) an ni a. Mipa 11 leh Hmeichhia 10 an ni a. Symptom nei 8 leh Symptom nei lo 13 an ni. Heng District atang te hian positive an hmuhchhuah te an ni a. Kolasib Distirct - 10, Lunglei Distirct - 4, Siaha District -6 leh Khawzawl Distirct 1 te an ni. (Dipr report a Lunglei District-4 tih a nih na chhan hi Lawngtlai Nula pahnih te hi Lunglei a hmuh an nih vang a ni.)
Rapid Antigen Test hmanga hian sample 2179 (Mipa - 1166, Hmeichhia - 1013) endik an ni a. Heng an endik atang hian Covid-19 positive 168 an awm a, mipa 75 leh hmeichhia 93 an ni. An zingah hian Symptom nei 127 leh symptom nei lo 41 an awm a ni. Heng District ah te hian positive hmuhchhuah an ni. Aizawl District - 123, Lawngtlai Distirct - 15, Kolasib District - 11, Lunglei District - 8, Siaha District - 7, Serchhip District - 2, Mamit District - 1 leh Saitual District - 1
Lawngtlai district (15)
*Kamalanagar-II (8) : Mipa 3 (kum 8, 19 & 35) leh Hmeichhia 5 (kum 4, 21, 25, 38 & 57) an ni a. Positive contact atanga hri kai vek niin, symptom nei an awm lo a ni.
*Kamalanagar-III (4) : Mipa 2 (kum 9 & 11) leh Hmeichhia 2 (kum 15 & 55) an ni a. Positive contact atanga hri kai vek niin, symptom nei mi 3 an awm a ni.
* Kamalanagar-I (3) : Mipa 2 (kum 44 & 53) leh Hmeichhia kum 37 mi an ni a. Positive contact atanga hri kai vek niin, kum 44 mi hian symptom a nei a ni
THUBELH : TrueNAT : Lawngtlai (2) : Hmeichhia kum 27 & 28 mi, Lawngtlai khua an ni a. Inrinhlelh vanga sample test, hri kaina chhui ngai niin, home quarantine lai mek, symptom nei lo an ni. (Hei hi Lunglei a hmuhchhuah an ni. Lawngtlai case a belh erawh a ni lo)
Post a Comment