Lawngtlai May 18 : Vawiin May 18, 2021 khan Lawngtlai West bialtu MLA zahawm tak Pu C. Ngunlianchunga chuan a bial chhunga khaw hrang hrangte Covid-19 thawhhnihnain a hrut avanga harsatna tawkte tanpui nan cheng nuai 6 a hlan. He tanpuina pawisa hi a bial chhung khaw hrang hranga harsatna tawkte tan a sem darh leh tur a ni a, a tam zawkah sem mek a ni bawk.
Pu C. Ngunlianchunga chuan vawiin May 18, 2021 zing kar khan Thingkah leh AOC a VLTF te hnenah cheng singkhat ve ve a hlan bawk a. Pu C. Ngunlianchunga chuan, hripui laka in ven fimkhur a tulzia leh mask leh sanitizer hman te a pawimawh thu a sawi a, tin, Sorkar in SOP a siam te zawm tha a, VLTF te thuawi a pawimawh thu te sawiin, Lawngtlai West bialtu MLA chuan, VLTF ten harsatna dang an tawk a nih chuan, inthlahrung lova a hnena thlen thin turin a chah nghal bawk a, harsatnate a theih ang anga sutkian a in huamthu a sawi nghal bawk a ni.
Tanpuina dawngtu ten bialtu MLA in a ngaihven chungchangah an lawmzia sawi in, nikum lama a lo tanpui tawh naah pawh lawmthu an sawi bawk a ni.
AOC Branch YLA President chuan, bialtu MLA in a huntakah a rawn ngaihven chu an lawmzia sawi in, nikum lama a lo tanpui tawhnaah an lawm em em a ni a ti a, tunlaiin engkim mai hi a politics zawngin kan la thin a, kan bialtu MLA hian a bial te hi a phatsan ngai lo a, min ngaihven reng thin a ni tih hi ka sawi duh a ni, AOC Branch YLA President chuan a ti bawk.
A va ti ṭha êm!
ReplyDelete