Nimin khan sample test zawng zawng hi mi 3666 (mipa 2022, Hmeichhia 1644) a ni a, chung zingah chuan positive 239 hmuhchhuah thar an nni a. Sample an test atanga Positive hmuhchhuah zat hi 6.52% a ni. Tin, nimin vek khan positive enkawl lai mi 245 chu Covid-19 positive enkawlna hmun atanga chhuahtir an ni thung.
Tun dinhmun ah hian Mizoram-ah hian positive enkawl mek 2108 an awm mek a. Covid-19 avanga nunna chan mi 28 an awm thung. Hri a lo len atangin hri kai mi 9068 an awm a. Heng zinga mi 5811 hi mipa an ni a, hmeichhia 3257 an ni a. Dam taka chhuak hi 6932 an ni.
Mizoram a District 11 ah hri vei enkawl lai an awm vek a. Aizawl District ah 1578, Lunglei District 155, Siaha District 44, Champhai District 46, Kolasib District 112, Serchhip District 77, Lawngtlai District 19, Mamit District 17, Khawzawl District 25, Hnahthial District 1 leh Saitual District 34 -te enkawl mek an ni.
ZMC RT-PCR Laboratory hmanga hmuhchhuah hi 35 an awm a. Aizawl District vek an ni.
TrueNat khawl hmanga positive an hmuhchhuah hi panga (5) an ni a. Champhai district ah pathum leh Lunglei district pahnih a ni.
Rapid Antigen Test hmanga hmuhchhuah hi 199 Aizawl district ah 179, Serchhip district ah 7, Mamit district ah 4, Lunglei district ah 3, Kolasib district ah 2, Lawngtlai district ah 2 leh Saitual district ah 2 te an ni.
Vanduaithlak takin nimin khan khan positive enkawl lai mi pahnih Pu Chhuanawma (55) Chanmari West leh Pi Lalthanzami (67) Tanhril chu Covid-19 Pneumonia avangin an boral a, ti hian Covid-19 positive avangin mi 28 in nunna an chan ta a ni.
Post a Comment