ZPM in ZPM Legislature Party an din thu LADC Chairman hnenah an thlen

July 5, 2024 (Rauthla) : Lai Autonomous District Council (LADC)-a Zoram People's Movement (ZPM) party aiawh Member of District Council (MDC) te chuan vawiin khan ZPM Legislature Party an din thu Pu VL. Hmuaka, Chairman LADC hnenah ziakin an thehlut.

ZPM Legislature Party hi Dr. Lorrain Lalpekliana Chinzah, MLA Lawngtlai East leh Pu MC. Lalramchhana, President ZPM Lai District Headquarters Lawngtlai te kaihhruaina hnuaiah Dt. 04th July, 2024 khan din a ni.

Vawiina LADC Chairman hnena ZPM Legislature Party dinna lehkha thehluhnaah hian Pu K. Hre Kung Legislature Party Leader leh Pu LR. Dingliana Chinzah, Legislature Party Secretary te an kal a. Pu MC. Lalramchhana President ZPM Lai District Headquarters Lawngtlai leh Pu Samuel Laldawngliana General Secretary te'n party aiawhin an tawiawm bawk a ni.

Lai Autonomous District Council ah hian MDC Elected member 25 awmin, tun dinhmunah hian ZPM party chuan member sawm (10) neiin Opposition party lian ber an ni.

ZPM Legislature Party hruaitte leh member-te

Leader : Pu K. Hre Kung, MDC, Sangau West

Dy. Leader : Pu CL. Lianzuala MDC, Cheural.

Secretary : Pu LR. Dingliana Chinzah MDC, Lawngtlai AOC.

Treasurer : Pu BN. Thangpuia, MDC, Sangau East 

Members :-

1.Pu V. Zathanga, MDC, Bualpui NG West.

2.Pu Manghmung Chinzah, MDC, Council Veng.

3.Pu T. Lalengmuana, MDC, Lawngtlai - III.

4.Pu Tuturu Singh, MDC, Sakeilui.

5.Pu N. Zangura, MDC, M. Kawnpui.

6.Pu L. Lalhmachhuana, MDC, Bungtlang 'S'.