Rauthla, August 19, 2022 : Indian Medical Association (IMA) Mizoram State Branch chuan thuchhuah siamin tun hnaia an member in ama thawhna hmunaa kut a tawrh chu pawi an tih thu leh hriatthiam har an tih thu an sawi a, hetiang hi doctor te leh damdawi lama thawktu te chungah thleng tawh lo turin an duh tih an tarlang.
IMA chuan he thil thleng hi an duh lo takzet a ni tih entir nan naktuk, August 20, 2022 (Inrinni) hian IMA member zawng zawng te chu an hnathawhna hmun theuh ah an lungawi lohna lantir nan badge dum an bel dawn a ni.
IMA chuan, "Doctor te leh damdawi lama thawkte venhimna danpui, India ram sorkar laipuiin a lo siam tawh bawhzuia IMA Mizoram State Branch-in Mizoram sawrkara “The Mizoram Protection of Medical Service Personnel and Medical Service Institution (Prevention of Violence and Damage or Loss of Property) Act” a lo thehluh tawh chu rang taka ti hlawhtling turin kan phut a ni," an ti bawk.
Post a Comment