July 10, 2024 (Rauthla) : Vawiin khan ZPM Legislature party hruaitu ten LADC Emergency Session neih mekah Session Hall atanga an chhuah chhan press mite hmaah an sawifiah.
ZPM Legislature Party Leader Pu K. Hre Kung chuan vawiin LADC Dy. Chairman thlan danah dan palzutna nasa tak a awm nia an hriat thu sawiin, LADC dan humhim a nih zel theih nan leh dan palzutna a thlen tawh loh nan House chhuahsan an nih thu a sawi. Pu K. Hre Kung chuan 'LADC Chairman in Dy. Chairman inthlan a ruat danah dik lo a awm a, Dy. Chairman inthlanna hriattirna a chhuah atangin inthlan hun hi ni hnih a tla tur a ni a, ni hnih a tla lo mai ni lovin, member thenkhat te phei chuan vawiin thlengin lehkha an la hmu lo' a ti.
ZPM Legislature Party Leader chuan Dy. Chairman thlanna hi July 12, 2024 a nei turin Chairman hnenah a thlen tih sawiin, Chairman in a remtih loh thu a sawi.
ZPM Legislature Party Secretary Pu T. Lalengmuana chuan, Dy. Leader thlanna tura notification chhuah leh inthlanni inkarah ni hnih tal awm tur a ni tih chungchangah hian time corruption a awm a ni, a ti a. Chairman-in vawiin dar 10:30am ah ni hnih a tling chiah chiah tih a sawi a, notification chhuah ni, July 8, 2024 ah khan Chairman leh Secretary te session hall-ah an awm a. Notification tichhuak turin engtikawng mahin hun hman ngaihna a awm lo a ti a. July 8, 2024 zing dar 10:30 a Dy. Chairman inthlanna tur notification chhuah anga an sawi hi a dik lo a ni, a ti bawk.
Post a Comment