LADC hnuaia Village Council leh Chandmary bial By Election inthlan hun atan June 27, 2024 ruat a ni

June 11, 2024 (Rauthla) : Vawiin khan DC Conference Hall, Lawngtlaiah Pu Laima Chozah, IAS (Retd.), State Election Commissioner, Mizoram chuan Lai Autonomous District Council hnuaia Village Council General Election leh By Election 12-Lawngtlai Chandmary MDC Constituency inthlan hun puanna a nei.

Lai Autonomous District Council hnuaiah hian Village Council 99 awmin, seat 595 a awm a. Secret Ballot a inthlanna hi neih tur a ni ang. Village Council te hi June 27, 2024 ah vote thlak tur a ni ang.

12-Lawngtlai Chandmary MDC By Election hi June 27, 2024 ah vote thlak tur a ni ang a, intlannaah hian EVM hman a ni ang. 12-Chandmary Lawngtlai By Election hi an MDC Dr Lorrain Lalpekliana Chinzah chu MLA atan Lawngtlai East (ST) A/C atanga thlantlin anih avangin banna a thehlut a, chumi hmun ruak hnawhkhahna atan chuan by election hi neih tur a ni.

Village Council Inthlan hi vawiinah puan a nih angin, June 18, 2024 tlai dar 3 thleng nomination thehluh hun hawn a ni a. June 19, 2024 ah nomination lut te enfiah tur niin, June 21, 2024 thleng inhnuhdawh theihna hun hawn a ni ang a, June 27, 2024 inthlanna neih a ni ang. Vote tla te hi June 27, 2024 ah vek chhiar nghal a ni dawn a, inthlan that ngai a awm chuan a tuk, June 28, 2024 ah inthlan that buatsaih a ni ang.

12-Chandmary Lawngtlai By Election hi vawiinah puan a nih angin, June 18, 2024 tlai dar 3 thleng nomination thehluh hun hawn a ni a. June 19, 2024 ah nomination lut te enfiah tur niin, June 21, 2024 thleng inhnuhdawh theihna hun hawn a ni ang a, June 27, 2024 inthlanna neih a ni ang. Vote tla te hi July 1, 2024 ah chhiar a ni dawn.

State Election Commissioner Pu Laima Chozah chuan inthlan hun puan a nih tak vangin LADC huamchhungah Model Code of Conduct hman tan nghal a nih thu a sawi a. Commissioner hi Pu K. Laldingliana Secretary SEC, Mizoram leh Pu R. Vanrengpuia, Dy Secretary SEC, Mizoram bakah Lawngtlai District a Election lama thuneitu ten an tawiawm.

VC Gen. Election & By-election Lawngtlai Chandmary Schedule :

1. Last Day of Filling Nomination 18.6.2024 (11:00AM - 3:00PM)
2. Scrutiny of Nominations 19.6.2024 (after 3PM)
3. Last Date for Withdrawal of Candidature 21.6.2024 (Friday)
4. Allotment of Symbols & Display of Contesting Candidates 21.6.2024
5. Poll Date : 27.6.2024 (7AM -5PM)
(Vote tlate hi inthlan zawhah neih nghal tur a ni a.) 12- Lawngtlai Chandmary MDC erawh July 1, 2024 ah Vote tla te chhiar tur a ni.
6. Re-poll (if necessary) :28.6.2024
7. Counting of Re-polled votes : 28.6.2024
8. Date by which Election Process shall be completed : 5.7.2024