Aizawl, February 10, 2022 : CM Zoramthanga chuan Mizoram Sawrkar hmalaknain Mualkhang Gas Bottling Plant (IOCL LPG Bottling Plant) chu siam that leh siam len a ni dawn a. Hemi atan hian Mizoram Sawrkarin ram pawh a pe fel tawh a. Reiloteah hma lak thuai beisei a ni a ti.



CM sawi danin Mualkhanga IOCL LPG Bottling Plant thar thawh lehna turin ram zau tak, 2 Hectares a zau chu tuna Bottling Plant ram hrulah hian Rs. 47 Lakh man lei belh a ni a. Plant hmasaah hian Cylinder 2500 (Truck phur 8) siam ?hin niin tuna siam thar leh siam len turah hian nitin Gas Cylinder 7000 (Truck phur 24) siam chhuah theih beisei a ni.

CM chuan Mizoram mipui nitin mamawh (Essential goods) hnianghnar taka lakluh leh tihpun kawngah Mizoram Sawrkar chuan theihtawp a chhuah zel dawn a ni a ti. 

Post a Comment

Powered by Blogger.