June 10, 2024 (Rauthla) : Lai District Congress Committee President Pu J. Ropianga chuan kan Lai ram sawrkar inrelbawlna hun rei tak inhruipawhna karah Pathianin Congress party hi thu lai la tur leh sawrkar tha siam turin min ruat a ni, a ti a. An thawhpuite nen sawrkar an dinnaah an term an hman zawh ngei a beisei thu a sawi bawk.
Lai DCC chuan vawiin khan an party office-ah devotion leh mi thar lawmluhna programme an hmang a. Pu.J. Rohlupuia, GS Lai DCC kaihhruai he hun hmannaah hian Lai DCC President chuan Politics chu thawhhona tel lo chuan bel keh ang mai a nih thu leh, thawhhona chuan chakna siamin, inrintawnnate hian thawhhona tha a thlen thu a sawi a. Congress party chu party ral tur an nih loh thu leh, party thang zel tur an nih thu a sawi.
Lai DCC thuchhuaha tarlan a nih danin Lai DCC President chuan vawiin hun hmanaah hian mi thar panga a lawmlut a. ZPM atangin Saikhawthlir khua Maiazawn, Kenporai leh Kalabi te lawm luh niin, MNF atangin New Vengpui MNF Unit Vice President V. Lalzuisanga leh Saikhawthlir MNF Unit Vice President Karokia te an lawm lut.
Post a Comment