Rauthla Editorial, June 10, 2024 : Kan ramah ruihhlo avanga buaina leh harsatna chuan kian zai an rel tak tak thei lova. NGO ten theihtawp chhuahin an buaipui a, chutiang karah chuan Kohhran te pawhin kan buaipui chho tan ve ta a. Hei hian rah duhawm tak a chhuah ngei turah beisei ila. Ruihhlo do kawngah hian kan tanrual a ngai tawh tak zet a ni.
Lawngtlai District-ah hian Gilead Dropping Centre te hian kum 2009 atang ruihhlo ti te an enkawl zat an chhinchhiahah hian mi 500 chuang an ni a. Heng zingah hian mi 164 zet in nunna an chan tawh a ni. Nunna chan zingah hian hmeichhia aiin mipa an tam zawk a. Damdawi hman sual avanga nunna chan an tam hle bawk. Hetiang zela kan kal a nih chuan kan ram hian chhantu a neih loh hun a thleng palh ang tih a hlauhawm ta. Chuvangin, ruihhlo do kawngah hian Kohhran, sorkar leh NGO te kan tanrual a ngai a. NGO ten theihtawp chhuahin ruihhlo an vai a, an man a, heng a ruihhlo zuarte leh ruihhlo ngaite thlarau chhandam an nih theihna turin Kohhran in tan an lo lak a ngai bawk a. Chutiang bawkin sorkar pawhin Dan leh hrai a nihna anga a lekkawh bakah NGO te sum leh pai lama an tanpui theihna kawngah insum lova, an tanpui pawh an ngai tel bawk a ni.
Tunah hian hmeichhia aiin mipa voters an tlem ta. Hetiang zel kan kal anih chuan chimral kan ni mai dawn. Chumi a nih loh a tur chuan ruihhlo kan Dona kawngah theihtawp chhuahin i tangrual zel ang u.
Post a Comment