Conference hmingah hian APBY “Be” Conference 2024 tih niin, thupui hi Kolossa 3:16 thu tlawh chhanin, “Krista-a rinna nghet taka vuan tur te, khawvela Krista chanchin Tha chhi eng zel tur te, Krista hnungzui tu dik tak ni tur te, Pathian min pek kan talent te hmanga Pathian rawngbawl tur te, Kan Ringtu pui te leh rawngbawlpui te nena thawhhona leh inpawhna tha zawk siam turin tih te a ni a. Heng then hrang hrang khaikmawm hian "Be' tih hi Conference hmingah hian telh a ni.
Asia Pacific Baptist Youth Conference hi kum 5 dah ah neih a ni thin a. Asia leh Asia pawn ram hrang hrang 30 atangin he conference hi an chhim a, kumin conference ah hian palai 700 chuang zet an tel thei a ni. Mizoram atang pawhin Mizoram Thalai Kristian Pawl leh Lairam Isua Krista Baptist Kohhran Thalai pawl member eng emaw zat an tel a ni.
Mizoram atangin Baptist Church of Mizoram leh Lairam Isua Krista Bapist Kohhran atangin Thalai eng emaw an kal thei a. BCM Hnahthial Area Choir te an kal thei a, an ni hian Zaipawl mai bakah hnam lam mawi tak an entir bawk a. Tin, APBY Vice President Upa Jacob Vanlaltana Khiangte, Esther Vanlalnunpuii Sailo leh Nl. Zirsangpuii te Workshop ah Speaker an ni a. Nl. Lalthansangi Ralte chu Worship Band member niin Pathian fakna hla a sa bawk a. Tin, Nl. Lalhlumawii (B-tei) pawh a zai bawk. Lairam Isua Krista Baptist Kohhran Thalai Pawl atangin Celestina Vanlalhriatpuii pawin Pathian fakna hla sa in hun a hmang bawk a ni.
Tun tumah hian Asia Pacific Baptist Youth hruaitute leh All Africa Baptist Youth Fellowship hruaitute’n thawhhona tha zawk an neih theihna turin inremna an siam a, hemi puala hma la turin member 4 awmna task force dih a ni a, Asia aiawh turin Upa Jacob Vanlaltana Khiangte chu ruat nghal a ni.
Tin, Asia Pacific Baptist Federation Mission nen tangkawpin Thalaite tam zawk Missionary a tirh chhuah theih dan tur kawng hawngin, Short term Missionary a inpe dun tan chona siamin mi 100 chuangin he chona hi an chhang a. He project hi Kum 2040 thleng kalpui tur anih avangin, a hming atan “2 million Youth Missionaries by 2040" tih a ni. He Short term Missionary ni duh dan inpek theih reng a ni.
Kum 2019 khan Asia Pacific Baptist Youth Conference Philippines a neih anih tumn khan hruaitu thlan an ni a. Tichuan tunah hian hruaitute chu insiksawi in, kum 2027 thlenga hruaitu turte thlanna chu Asia Pacific Baptist Federation President Rev. Mark Wilson-a kaihhruaina hnuaiah neih a ni a. Heng mite hi thlan chhuah an ni.
President: Rev Steve Dixon, Australia
Vice President: Jacob Vanlaltana Khiangte, India
Secretary: Ireina Ruth, Indonesia
Treasurer: Lakna Premawardhane, Sri Lanka
Executive: Lee Tomas, Philippines - te an ni
Upa Jacob Vanlaltana Khiangte hi BCM Sethlun Lunglei atangin 2019 Philippines APBY inkhawmpuiah APBY hruaitu atana thlan a ni a, Mizo zinga APBY hruaitu hmasaber leh a awmchhun ni mek a ni. Tunah hian BCM Vengthar Kolasib ah lawi mekin, Vice President nihna hi 2027 thleng a chelh dawn a ni.
Asia Pacific Baptist Youth hi Asia Pacific Baptist Federation hnuaia Thalai pawl niin, APBF hnuaiah hian Asia leh Pacific khawmualpui ram hrang hrang 22 atangin BWA zawmpui Baptist pawl hrang hrang 65 an awm mek a. Tualchhung kohhran 40,000 atangin Baptisma chang Member nuai 70 chuang an awm a. Mizoram atangin BCM leh LIKBK te hi member an ni mek a ni
Post a Comment