May 31, 2024 (Rauthla) : Lai Students' Association, General Headquarters, Lawngtlai chuan vawiin khan MBSE in HSSLC 2024 results a tihchhuah a Laifa top 10 a lang mi pahnih bakah Lawngtlai District chhung a school pakhat chawimawina hun CYLA Hall, Lawngtlai -III ah an hmang a. He hun hi Pi B. Malsawmtluangi, MCS, Addl. DC, Lawngtlai chuan khuallian niin a hmanpui.
Khuallian Pi B. Malsawmtluangi chuan Zirnaah rual el lehzual a ngaih thu sawiin, Aizawl, Lunglei leh Siaha te el a ngaih thu a sawi a. Laifa ten finna leh theihna kan neih thu sawiin, midang te nena kan awmhonaah pawh a langsar leh kawlh kan nih thin ang in zirna ah pawh i hrâng lehzual ang u, a ti.
Pi B. Malsawmtluangi, MCS chuan tum fel tak neia lehkha zir a ngaih thu sawiin, state sawrkar office hrang hrangah te pawh hnathawk awm vek tum a tul thu a sawi bawk.
He hun hi Tumbikcheua, Vice President in kaihruaiin, Pu. F. Chanliana, Sr. Adviser in hunserh a hmang a. Eric Lalliankima, Treasurer in kalkhawm te lawmna leh inhmelhriat tirna neiin, Nula F. Lalramhnaii, GHEC member in zaiin kalkhawm te a awi. MC. Vanlalrova Lai, General Secretary in thusawina hun a neih zawhah Thomas Rosangzuala, AGS in chawimawina thilpek hlanna a kaihruai a, he hunah hian LWA lam in thusawi tawi nei in, Pu. B. Zomama, Finance Secretary in lawmthu sawina a nei bawk.
He hunah hian top 10 a langte F. Lalneihpuii D/o F. Lallawmsanga (Top 6 Arts) leh Elizabeth Lalthanpuii D/o Rev. V. Suikharliana (Top 9, Arts) hnenah Citation leh Cash Award hlan an ni a, Don Bosco, Lawngtlai hnenah Lawngtlai School atanga (Top 5 Arts) zirlai an neih avanga lawmpuina thuziak hlan an ni bawk.
Post a Comment