Khualian Pu VL. Hmuaka chuan Nurse te chu Pathian hnathawh puitute an nih thu leh, damlote chu Pathian thlawhhmate an ni tih sawiin, Hna dang zawng zawngin Nurse hna chu a pawimawh thu leh inpekna nasa tak a ngaih thu a sawi.
Pu VL. Hmuaka chuan Nurse tawngkam khat chu damna a nih rualin an tawngkam khat vek chu damlote natna belhchhahtu a nih thu a sawi a. 'Tawngkamah hmanah kan fimkhur a ngai a, a theih hram chuan damlote tawngkam zangkhai taka kan biak hram hram a ngai a ni, a ti. Hlawh leh thildang hamthatnaah mite kan phak lo a nih pawhin Nurse hna hi a zahawm a, hna dang ang a ni lova. Pathian hnathawh puitu, midang damna petu in nih tlat avangin he hnaah hian lungawina kan zawn a ngai a ni, a ti a. Midang tana malsawmna ni thar leh turin Nurse kalkhawmte chu a sawm bawk.
Lawngtlaia International Nurses Day hmanna hi Pi C. Lalnunziri, Ward Superintendent, District Hospital, Lawngtlai chuan kaihruaiin, Lawngtlaia Damdawiin pathum District Hospital, Lawngtlai, Lairam Christian Medical Centre leh Christian Hospital Lawngtlaia Nurse thawklai leh Pension tawh te, ANM School Lawngtlaia Zirlaite leh sawmbik an tel a, chawhnu lamah The Trained Nurses Association of India, District Branch Lawngtlai hruaitu thar thlanna neih a ni.
The Trained Nurses Association of India hi kum 1908 khan din a ni a, a tirah chuan Association of Nursing Superintendents hming a pu a. Kum 1950 ah TNAI angin India sorkarin a pawm. India ram state hrang hrangah Branch awmin, Mizoramah kum 1980 khan Branch din a ni a, Lawngtlai District ah Sub-Branch angin kum 2018 khan din a ni a, District Branch Lawngtlai tih a ni.
Post a Comment